پرەزيدەنت قاسىم-جومارت توقايەۆ جوعارى اۋديتورلىق پالاتانىڭ فۋنكسياسىنا وزگەرىستەر ەنگىزدى. بۇدان بىلاي، ەندى جوعارى اۋديتورلىق پالاتا سوتقا ءوز بەتىنشە تالاپ قويا الادى، دەپ حابارلايدى Dalanews.kz.

مەملەكەت باسشىسى قاسىم-جومارت توقايەۆتىڭ جارلىعىمەن جوعارى اۋديتورلىق پالاتا تۋرالى ەرەجەگە وزگەرىستەر مەن تولىقتىرۋلار ەنگىزىلدى.

مەملەكەت باسشىسىنىڭ جارلىعىنا سايكەس، ونىڭ ىشىندە بيۋدجەتكە وتەماقى ءوندىرۋدى قامتاماسىز ەتۋ، جۇمىستاردى ورىنداۋ، قىزمەتتەردى كورسەتۋ، تاۋارلاردى جەتكىزۋ جانە (نەمەسە) انىقتالعان بۇزۋشىلىقتار سوماسىن ەسەپتە كورسەتۋ جانە (نەمەسە) ازايتۋ، نۇسقامانىڭ ورىندالۋىن قامتاماسىز ەتۋ ماقساتىندا سوتقا تالاپ قويا الادى.

سونداي-اق جوعارى اۋديتورلىق پالاتىنىڭ قوسىمشا فۋنكسيالارىنا رەسپۋبليكالىق بيۋدجەت جوباسىن شىعىستاردىڭ نەگىزگى باعىتتارى بويىنشا الدىن الا باعالاۋدى جۇزەگە اسىرۋ دا كىرەدى.

بۇدان بولەك، وزگەرىستەر ساياسي جانە اكىمشىلىك مەملەكەتتىك قىزمەتشىلەر لاۋازىمدارىنىڭ تىزىلىمىنە ەنگىزىلدى.

اتاپ ايتقاندا، جوعارى اۋديتورلىق پالاتانىڭ ءتوراعاسى "ۆ" ساناتىنداعى اكىمشىلىك مەملەكەتتىك لاۋازىمدار كورپۋسىنىڭ قۇرامىنا ەنگىزىلدى.

جارلىق 2025 جىلعى 18 تامىزدان باستاپ قولدانىسقا ەنگىزىلدى.

ايتا كەتسەك، كۇنى كەشە مەملەكەت باسشىسى بيۋدجەتتى جوسپارلاۋ ماسەلەلەرى بويىنشا جيىن وتكىزدى. وعان جوعارى اۋديتورلىق پالاتا ءتوراعاسى ءاليحان سمايىلوۆ تا قاتىستى. 2025 جىلى 19 تامىزدا جوعارى اۋديتورلىق پالاتادا عىلىمدى دامىتۋ سالاسىنداعى مەملەكەتتىك ءاۋديتتىڭ قورىتىندىسى قارالعانى بەلگىلى.