Prezident Qasym-Jomart Toqaev álemdegi qazirgi jaǵdaidy buryn-sońdy bolmaǵan, haostyq ári boljaý qiyn kezeń dep baǵalap, BUU Qaýipsizdik Keńesiniń jahandyq qaýipsizdikti qamtamasyz etý mindetin tolyq oryndai almai otyrǵanyn aitty, dep habarlaidy Dala News.
Memleket basshysynyń aitýynsha, álemde bolyp jatqan oqiǵalar barǵan saiyn júiesiz sipat alyp, is júzinde barlyq memleketter men halyqtardy qamtyp otyr.
«Álemde bolyp jatqan buryn-sońdy bolmaǵan oqiǵalar qar kóshkini sekildi, júiesiz, haostyq jáne aldyn ala boljaý qiyn sipatqa ie. Bul kataklizmder is júzinde barlyq memleketter men halyqtardy óz orbitasyna tartty», – dedi Qasym-Jomart Toqaev.
Prezidenttiń pikirinshe, ásirese iri memleketter bir-birine degen senimin joǵalta bastaǵan. Bul jaǵdai Birikken Ulttar Uiymy men onyń institýttarynyń jumysyna keri áserin tigizip otyr.
«Memleketter, ásirese iri elder, is júzinde bir-birine senýdi toqtatty. Bul BUU men onyń institýttarynyń qyzmetine keri áserin tigizdi. BUU Qaýipsizdik Keńesi jahandyq jáne óńirlik beibitshilikti, turaqtylyq pen qaýipsizdikti qamtamasyz etý jónindegi ózine júktelgen missiiasyn oryndaýdy toqtatty», – dedi Memleket basshysy.
Toqaev mundai jaǵdaida óńirlik halyqaralyq uiymdardyń róli artyp kele jatqanyn atap ótti. Sonymen qatar álemdik arenada «orta derjavalar» dep atalatyn memleketterdiń yqpaly kúsheigen. Qazaqstan da osy sanatqa jatqyzylady.
Prezident qazirgi turaqsyzdyq jaǵdaiynda tsifrlyq tehnologiialar men jasandy intellektiniń qarqyndy damýyn da erekshe atap ótti.
Onyń aitýynsha, bul úderistiń túpkilikti ǵana emes, aralyq nátijeleri de áli talas týdyrady jáne kei jaǵdaida tehnologiialardy ázirleýshilerdiń ózine de túsiniksiz.
Toqaev buǵan mysal retinde jaqyn bolashaqta iadrolyq qarýdyń ornyn jasandy intellekt quraldary basýy múmkin degen boljamdy keltirdi.
«Munyń bári álemdik damýda zańdylyq pen logikanyń joqtyǵyn, onyń bolashaq urpaq úshin asa aýyr saldarǵa ákelýi múmkin ekenin kórsetedi», – dedi Prezident.
