Memleket basshysy Qasym-Jomart Toqaev AQSh Prezidenti Donald Tramptyń bastamasymen qurylǵan Beibitshilik keńesiniń jarǵysyna qol qoidy, dep habarlaidy Dalanews.kz.
Qol qoiý rásimine Qazaqstan Prezidentinen basqa 18 eldiń basshylary men ókilderi qatysty.
Eske salaiyq, buǵan deiin AQSh prezidenti Donald Tramp Qazaqstandy jáne Memleket basshysy Qasym-Jomart Toqaevty Gaza máselesi jónindegi Beibitshilik keńesiniń quramyna shaqyrdy.
Uiymnyń jarǵy jobasyna sáikes keńestiń alǵashqy tóraǵasy mindetin AQSh prezidenti atqarady. Sondai-aq, uiymǵa qai elder múshe bolatynyn ózi sheshpek.
