Memleket basshysy Premer-ministr Oljas Bektenovti qabyldady, dep habarlaidy Dalanews.kz.
Qasym-Jomart Toqaevqa elimizde ornyqty áleýmettik-ekonomikalyq damýdy qamtamasyz etýge baǵyttalǵan ekonomikany ártaraptandyrý jáne qurylymdyq jańǵyrtý boiynsha qabyldanyp jatqan sharalar týraly esep berildi.
Prezident tapsyrmalaryn júzege asyrý aiasynda jalpy investitsiia kólemi 2,3 trillion teńgeden asatyn ári shamamen 20 myń jumys ornyn qurýdy kózdeitin 45 iri ónerkásiptik joba iske asyrylyp jatyr.
Premer-ministr Qaýipsizdik Keńesiniń otyrysynda kólik salasyn damytýǵa qatysty Memleket basshysy júktegen mindetterdi oryndaý boiynsha qolǵa alynǵan jumystar jóninde baiandady.
Prezidentke vegetatsiialyq kezeń týraly málimet usynyldy. Egistikti sý resýrstarymen qamtamasyz etý, aýyl sharýashylyǵy máseleleri turaqty baqylaýǵa alynyp, sý únemdeý tehnologiialary engizilýde. Óńirlik shtabtar jumys istep jatyr.
Memleket basshysyna egis naýqanynyń aiaqtalýy jáne jiyn-terim jumystaryna daiyndyq barysy jóninde aityldy. Elimizdegi jalpy egis alqaby 23,7 million gektardy qurady. Sharýalarǵa tolyq kólemde qoldaý kórsetilýde. Jyl basynan beri aýyl, orman jáne balyq sharýashylyǵyndaǵy ónimder men qyzmetterdiń jalpy kólemi 4 paiyzǵa ósti. Barlyq óńirde oń dinamika tirkeldi.
Sonymen qatar energetikalyq jáne kommýnaldyq infraqurylymdy jańǵyrtý, tsifrlyq transformatsiialaý jóninde aqparat berildi.
Kezdesý sońynda Qasym-Jomart Toqaev ekonomikada institýtsionaldyq ózgerister jasaýǵa, óńirlerdi damytýǵa jáne investitsiia tartýǵa qatysty birqatar tapsyrma berdi.
