مەملەكەت باسشىسى پرەمەر-مينيستر ولجاس بەكتەنوۆتٸ قابىلدادى, دەپ حابارلايدى Dalanews.kz.
قاسىم-جومارت توقاەۆقا ەلٸمٸزدە ورنىقتى ەلەۋمەتتٸك-ەكونوميكالىق دامۋدى قامتاماسىز ەتۋگە باعىتتالعان ەكونوميكانى ەرتاراپتاندىرۋ جەنە قۇرىلىمدىق جاڭعىرتۋ بويىنشا قابىلدانىپ جاتقان شارالار تۋرالى ەسەپ بەرٸلدٸ.
پرەزيدەنت تاپسىرمالارىن جٷزەگە اسىرۋ اياسىندا جالپى ينۆەستيتسييا كٶلەمٸ 2,3 تريلليون تەڭگەدەن اساتىن ەرٸ شامامەن 20 مىڭ جۇمىس ورنىن قۇرۋدى كٶزدەيتٸن 45 ٸرٸ ٶنەركەسٸپتٸك جوبا ٸسكە اسىرىلىپ جاتىر.
پرەمەر-مينيستر قاۋٸپسٸزدٸك كەڭەسٸنٸڭ وتىرىسىندا كٶلٸك سالاسىن دامىتۋعا قاتىستى مەملەكەت باسشىسى جٷكتەگەن مٸندەتتەردٸ ورىنداۋ بويىنشا قولعا الىنعان جۇمىستار جٶنٸندە باياندادى.
پرەزيدەنتكە ۆەگەتاتسييالىق كەزەڭ تۋرالى مەلٸمەت ۇسىنىلدى. ەگٸستٸكتٸ سۋ رەسۋرستارىمەن قامتاماسىز ەتۋ, اۋىل شارۋاشىلىعى مەسەلەلەرٸ تۇراقتى باقىلاۋعا الىنىپ, سۋ ٷنەمدەۋ تەحنولوگييالارى ەنگٸزٸلۋدە. ٶڭٸرلٸك شتابتار جۇمىس ٸستەپ جاتىر.
مەملەكەت باسشىسىنا ەگٸس ناۋقانىنىڭ اياقتالۋى جەنە جيىن-تەرٸم جۇمىستارىنا دايىندىق بارىسى جٶنٸندە ايتىلدى. ەلٸمٸزدەگٸ جالپى ەگٸس القابى 23,7 ميلليون گەكتاردى قۇرادى. شارۋالارعا تولىق كٶلەمدە قولداۋ كٶرسەتٸلۋدە. جىل باسىنان بەرٸ اۋىل, ورمان جەنە بالىق شارۋاشىلىعىنداعى ٶنٸمدەر مەن قىزمەتتەردٸڭ جالپى كٶلەمٸ 4 پايىزعا ٶستٸ. بارلىق ٶڭٸردە وڭ ديناميكا تٸركەلدٸ.
سونىمەن قاتار ەنەرگەتيكالىق جەنە كوممۋنالدىق ينفراقۇرىلىمدى جاڭعىرتۋ, تسيفرلىق ترانسفورماتسييالاۋ جٶنٸندە اقپارات بەرٸلدٸ.
كەزدەسۋ سوڭىندا قاسىم-جومارت توقاەۆ ەكونوميكادا ينستيتۋتسيونالدىق ٶزگەرٸستەر جاساۋعا, ٶڭٸرلەردٸ دامىتۋعا جەنە ينۆەستيتسييا تارتۋعا قاتىستى بٸرقاتار تاپسىرما بەردٸ.
