Prezident qordalanǵan máselelerdi sheshýdi keiinge qaldyryp, tiisti qujat qabyldamai otyrǵan salalyq ministrliktiń jumysyn synǵa aldy, dep habarlaidy Dalanews.kz.
Memleket basshysy Úkimetke áýe habtaryn damytýdyń naqty máselelerin shuǵyl túrde sheshý jóninde tapsyrma berdi.
"Áýejai qyzmetindegi qazirgi tarif saiasatyn qaita qaraýǵa basa mán berý kerek. Sońǵy 10 jylda baǵa bir-aq ret, iaǵni biyl ǵana ósti. Tarifterdi ustap turý infraqurylymnyń tozýyna ákeledi. Muny tájiribe anyq kórsetti. Baǵany qaita qaraý qalyptasqan jaǵdaidy ózgertýge kepil bolýǵa tiis. Sonymen qatar baǵanyń kúrt kóterilýin boldyrmaý úshin ońtailandyrylǵan tásil qoldaný qajet. «Tarifti investitsiiaǵa aiyrbastaý» qaǵidatyn engizý aldaǵy jyldary salany damytýdyń negizgi sharty bolýy kerek. Qolaily iskerlik orta qurý – strategiialyq mindet. Investorlardy muqiiat tyńdaǵan jón. Áýejailardaǵy aviatsiialyq emes qyzmetti shekten tys retteý kóptegen túitkil týyndatyp otyr. Konkýrstar arqyly kompaniialardy irikteý barysynda biýrokratiialyq kedergi jasaýdy, kelisimderdiń merzimin shekteýdi toqtatý kerek", – dedi Qasym-Jomart Toqaev.
