Memleket basshysy Qasym-Jomart Toqaev Samarqandta ótken "Ortalyq Aziia – Eýropa Odaǵy" sammitinde sirek kezdesetin metaldardy zertteitin aimaqtyq ortalyq qurýdy usyndy, dep habarlaidy Dalanews.kz Aqordanyń baspasóz qyzmetine silteme jasap.
Qasym-Jomart Toqaevtyń pikirinshe, sirek kezdesetin mineraldardy igerý salasyndaǵy yntymaqtastyqtyń strategiialyq mańyzy zor.
Búginde Qazaqstanda Eýropa Odaǵy ekonomikasyna qajetti 34 shikizattyń 19 túri óndiriledi. Onyń qatarynda ýran, titan, mys, litii, kobalt, volfram jáne basqa da kóptegen elementter bar. Sonymen qatar elimiz Eýropalyq qaita qurý jáne damý bankimen aradaǵy kelisim boiynsha geologiialyq barlaý salasynda birlesken jobalardy iske asyryp, ken igerýdiń ozyq tájiribesin engizip jatyr.
"Bul rette Prezident Astanada Sirek kezdesetin metaldardy zertteitin aimaqtyq ortalyq qurýdy usyndy. Atalǵan ǵylymi mekeme kásiporyndar men investorlardy igerýge bolatyn kenishter, tehnologiialardyń damýy týraly ózekti aqparatpen qamtamasyz etedi", delingen Aqorda habarlamasynda.
Buǵan deiin saitymyzda "Tramp qaýzap jatyr". Sarapshy shuǵyl túrde strategiialyq aktivter agenttigin qurýdy usyndy" degen maqala jariialanǵan bolatyn.
