Qasym-Jomart Toqaev Astana ákimine Smart City jobasyn tezdetip aiaqtaýdy tapsyrdy, dep habarlaidy Dalanews.kz.
«Buǵan deiin meniń tapsyrmam boiynsha Astanada Smart City jobasy qolǵa alyndy. Jaqyn arada Jedel basqarý ortalyǵy iske qosylady. Qaladaǵy beinekameralardyń jumysy jáne basqa da qyzmetter osy ortalyqtan basqarylady. Bul júie túrli qaýip-qaterge der kezinde nazar aýdarýǵa jáne keleńsiz oqiǵalardyń aldyn alýǵa múmkindik beredi.
Qazir platformany iske qosý úshin Derekterdi taldaý ortalyǵy salynyp jatyr. Osy tsifrlyq infraqurylymdy quqyq qorǵaý organdary da qoldana alady. Sol arqyly qalanyń qaýipsizdigin kúsheitýge múmkindik týady.
«Zań jáne tártip» qaǵidaty is júzinde jumys isteýge tiis.
Astana ákimine osy sharýany tezdetip aiaqtaýdy tapsyramyn.Elimizdegi basqa qalalar da osyndai platformany engizýge tiis. Bul jumysty Jasandy intellekt jáne tsifrlyq damý ministrligi úilestirýi kerek».
