قاسىم-جومارت توقايەۆ استانا اكىمىنە Smart City جوباسىن تەزدەتىپ اياقتاۋدى تاپسىردى، دەپ حابارلايدى Dalanews.kz.
«بۇعان دەيىن مەنىڭ تاپسىرمام بويىنشا استانادا Smart City جوباسى قولعا الىندى. جاقىن ارادا جەدەل باسقارۋ ورتالىعى ىسكە قوسىلادى. قالاداعى بەينەكامەرالاردىڭ جۇمىسى جانە باسقا دا قىزمەتتەر وسى ورتالىقتان باسقارىلادى. بۇل جۇيە ءتۇرلى قاۋىپ-قاتەرگە دەر كەزىندە نازار اۋدارۋعا جانە كەلەڭسىز وقيعالاردىڭ الدىن الۋعا مۇمكىندىك بەرەدى.
ءقازىر پلاتفورمانى ىسكە قوسۋ ءۇشىن دەرەكتەردى تالداۋ ورتالىعى سالىنىپ جاتىر. وسى سيفرلىق ينفراقۇرىلىمدى قۇقىق قورعاۋ ورگاندارى دا قولدانا الادى. سول ارقىلى قالانىڭ قاۋىپسىزدىگىن كۇشەيتۋگە مۇمكىندىك تۋادى.
«زاڭ جانە ءتارتىپ» قاعيداتى ءىس جۇزىندە جۇمىس ىستەۋگە ءتيىس.
استانا اكىمىنە وسى شارۋانى تەزدەتىپ اياقتاۋدى تاپسىرامىن.ەلىمىزدەگى باسقا قالالار دا وسىنداي پلاتفورمانى ەنگىزۋگە ءتيىس. بۇل جۇمىستى جاساندى ينتەللەكت جانە سيفرلىق دامۋ مينيسترلىگى ۇيلەستىرۋى كەرەك».
