Batys Qazaqstan oblysy Oral qalasynyń turǵyny Bekbolat Ótebaev Abai atyndaǵy alańda jalǵyz adamdyq piketke shyǵyp, Nazarbaevtyń qurmetine atalǵan ortalyq kóshe men jańa alańnyń atyn ózgertýdi talap etti, dep habarlaidy Dalanews.kz.
Alańǵa "Ia hochý jit. I want to live" degen jazýy bar plakat ustap shyqqan zeinetker, Nazarbaevqa ókpesin jetkizdi.
"Burynǵy ataýyn qaitarsyn. Nazarbaev atyn qalaǵa jolatpasyn, sebebi Nazarbaev Qazaqstan halqyna jaqsylyq jasaǵan joq. Eldi tonaýmen, urlaýmen, óz otbasyn baiytýmen ainalysty. Alańǵa "Táýelsizdik" atyn qaitarsyn, bizge Nazarbaevtan góri Táýelsizdik qymbat", — dedi Ótebaev.
Zeinetker ákimdikke 28 jáne 29 aqpanda saiasi-áleýmettik taqyrypta jalǵyz adamdyq piket ótkizý jóninde eskertý habarlama jibergen. Alaida ekeýi de keri qaitarylǵan.
Al alańda tóbe kórsetken Oral turǵynyna memlekettik qyzmetkerler eskertý jasap, aktsiiany toqtatýdy talap etti. Sonymen birge olar "zańsyz aktsiia úshin" ákimshilik jaýapkershilik qarastyrylǵanyn atap ótti. Al Ótebaev olarǵa ilana qoimady.
Bekbolat Ótebaev áleýmettik jáne saiasi ózgeristerdi talap etetin aktsiialarǵa jii shyǵady. Munda ol halyqtyń kúnkóris jaǵdaiynyń nasharlap ketkenin ári jemqorlyq órshigenin únemi aityp júredi.
