باتىس قازاقستان وبلىسى ورال قالاسىنىڭ تۇرعىنى بەكبولات وتەبايەۆ اباي اتىنداعى الاڭدا جالعىز ادامدىق پيكەتكە شىعىپ، نازاربايەۆتىڭ قۇرمەتىنە اتالعان ورتالىق كوشە مەن جاڭا الاڭنىڭ اتىن وزگەرتۋدى تالاپ ەتتى، دەپ حابارلايدى Dalanews.kz.
الاڭعا "يا حوچۋ جيت. I want to live" دەگەن جازۋى بار پلاكات ۇستاپ شىققان زەينەتكەر، نازاربايەۆقا وكپەسىن جەتكىزدى.
"بۇرىنعى اتاۋىن قايتارسىن. نازاربايەۆ اتىن قالاعا جولاتپاسىن، سەبەبى نازاربايەۆ قازاقستان حالقىنا جاقسىلىق جاساعان جوق. ەلدى توناۋمەن، ۇرلاۋمەن، ءوز وتباسىن بايىتۋمەن اينالىستى. الاڭعا "تاۋەلسىزدىك" اتىن قايتارسىن، بىزگە نازاربايەۆتان گورى تاۋەلسىزدىك قىمبات"، — دەدى وتەبايەۆ.
زەينەتكەر اكىمدىككە 28 جانە 29 اقپاندا ساياسي-الەۋمەتتىك تاقىرىپتا جالعىز ادامدىق پيكەت وتكىزۋ جونىندە ەسكەرتۋ حابارلاما جىبەرگەن. الايدا ەكەۋى دە كەرى قايتارىلعان.
ال الاڭدا توبە كورسەتكەن ورال تۇرعىنىنا مەملەكەتتىك قىزمەتكەرلەر ەسكەرتۋ جاساپ، اكسيانى توقتاتۋدى تالاپ ەتتى. سونىمەن بىرگە ولار "زاڭسىز اكسيا ءۇشىن" اكىمشىلىك جاۋاپكەرشىلىك قاراستىرىلعانىن اتاپ ءوتتى. ال وتەبايەۆ ولارعا يلانا قويمادى.
بەكبولات وتەبايەۆ الەۋمەتتىك جانە ساياسي وزگەرىستەردى تالاپ ەتەتىن اكسيالارعا ءجيى شىعادى. مۇندا ول حالىقتىڭ كۇنكورىس جاعدايىنىڭ ناشارلاپ كەتكەنىن ءارى جەمقورلىق ورشىگەنىن ۇنەمى ايتىپ جۇرەدى.
