Sot Máskeýde ótip jatyr. Sot alqasy úkimdi 4 maýsymda shyǵarýy kerek edi, biraq otyrys 7 maýsymǵa aýystyrylǵan.
2018 jyldyń 13 sáýirinde qazaqstandyq Tomiris Baisafa Máskeý memlekettik halyqaralyq qatynastar institýtynyń (MGIMO) 4-shi qabattaǵy terezesinen qulaǵan. Qazaq qyzy Halyqaralyq ekonomikalyq qatynastar kafedrasynyń 4-shi kýrsynda oqyp júrgen bolatyn. Dárigerler birneshe operatsiia jasasa da, qyz úsh aptadan keiin aýrýhanada qaitys boldy. Reseidiń tergeý komiteti "Ózin-ózi óltirýge deiin jetkizý" baby boiynsha tergeý bastaǵan. Keiin bul is "Adam óltirý" babyna aýystyryldy.
Eki jyldan keiin, 2020 jyldyń 28 shildesinde Máskeýde Daǵystannyń eks premer-ministriniń uly Mýrtýzali Medjidov ustaldy. Tergeý málimeti boiynsha, Medjidov qyzdy uryp, terezeden iterip jibergen.
Mýrtýzali Medjidovten tergeýdiń bastapqy satysynda jaýap alynǵan. Qaiǵyly oqiǵa bolǵan kúni ol Tomirispen bir aýditoriiada bolyp, ekeýi ursysyp qalǵan desedi. Biraq oǵan esh dálel tabylmai, "Ózin-ózi óltirýge deiin jetkizý" babymen qylmystyq is qozǵaldy.
Sot úkimi týraly Instagram-da Tomiris Baisafanyń anasy jazdy.
Qurmetti dostar, ol kináli emes dep tanyldy. Men ne aitarymdy bilmeimin... - dep jazdy ol.
