سوت ماسكەۋدە ءوتىپ جاتىر. سوت القاسى ۇكىمدى 4 ماۋسىمدا شىعارۋى كەرەك ەدى، ءبىراق وتىرىس 7 ماۋسىمعا اۋىستىرىلعان.
2018 جىلدىڭ 13 ساۋىرىندە قازاقستاندىق توميريس بايسافا ماسكەۋ مەملەكەتتىك حالىقارالىق قاتىناستار ينستيتۋتىنىڭ (مگيمو) 4ء-شى قاباتتاعى تەرەزەسىنەن قۇلاعان. قازاق قىزى حالىقارالىق ەكونوميكالىق قاتىناستار كافەدراسىنىڭ 4ء-شى كۋرسىندا وقىپ جۇرگەن بولاتىن. دارىگەرلەر بىرنەشە وپەراسيا جاساسا دا، قىز ءۇش اپتادان كەيىن اۋرۋحانادا قايتىس بولدى. رەسەيدىڭ تەرگەۋ كوميتەتى "ءوزiءن-وزi ءولتiرۋگە دەيiن جەتكiزۋ" بابى بويىنشا تەرگەۋ باستاعان. كەيىن بۇل ءىس "ادام ءولتىرۋ" بابىنا اۋىستىرىلدى.
ەكى جىلدان كەيىن، 2020 جىلدىڭ 28 شىلدەسىندە ماسكەۋدە داعىستاننىڭ ەكس پرەمەر-مينيسترىنىڭ ۇلى مۋرتۋزالي مەدجيدوۆ ۇستالدى. تەرگەۋ مالىمەتى بويىنشا، مەدجيدوۆ قىزدى ۇرىپ، تەرەزەدەن يتەرىپ جىبەرگەن.
مۋرتۋزالي مەدجيدوۆتەن تەرگەۋدىڭ باستاپقى ساتىسىندا جاۋاپ الىنعان. قايعىلى وقيعا بولعان كۇنى ول توميريسپەن ءبىر اۋديتوريادا بولىپ، ەكەۋى ۇرسىسىپ قالعان دەسەدى. ءبىراق وعان ەش دالەل تابىلماي، "ءوزiءن-وزi ءولتiرۋگە دەيiن جەتكiزۋ" بابىمەن قىلمىستىق ءىس قوزعالدى.
سوت ۇكىمى تۋرالى Instagram-دا توميريس بايسافانىڭ اناسى جازدى.
قۇرمەتتى دوستار، ول كىنالى ەمەس دەپ تانىلدى. مەن نە ايتارىمدى بىلمەيمىن... - دەپ جازدى ول.
