Ýaqytsha qarjylyq qiyndyqqa ushyraǵan azamattarǵa Turǵyn úi qurylys jinaq banki 2020 jylǵy 16 naýryzdan keiin ótelýi tiis tólemdi 90 kúnge shegerýge múmkindik bermek. Shegerilgen tólemge negizgi qaryz da, nesie syiaqysy da kiredi. Bul bank klienti jazǵan ótinishtiń negizinde júzege asyrylady.
Ótinishte keiinge shegerýdiń ne sebepti qajet bolǵanyn kórsetý kerek, biraq bank qosymsha rastaý qujattaryn talap etpeidi.
Tólemdi keiinge shegerý múmkindigi avtomatty túrde beriledi.
"Alaida ótinishti dál osy sátte berýdiń qajeti joq, ony keiinirek jasaisyz. Qazir úide otyrǵanyńyz jón.
Tólemdi shegerý týraly ótinish Tótenshe Jaǵdai aiaqtalǵan soń, iaǵni 2020 jylǵy 15 sáýirden bastap internet-banking arqyly qabyldanady. Barlyq ótinish maquldanady.
Shegerýdi 2020 jylǵy 16 naýryzdan keiin ótelýi tiis tólemderge qatysty qoldanýǵa bolady. Onlain-ótinish berý kezinde 2020 jyldyń 16 naýryzyndaǵy jaǵdai boiynsha ýaqtyly ótelmegen nesie tólemi bolmaýy kerek ekenin eskerińiz.
Úiden shyqpaýdy jáne ýaiymdamaýdy ótinemiz, sebebi tólemdi keiinge shegerý nesie merzimin 3 aiǵa uzartý arqyly júredi. Bul sizge ai saiynǵy tólem kólemin qalypty deńgeide ustap qalýǵa kómektesedi", - deidi bank tóraiymy Lázzat Ibragimova.
Onyń atap ótkenindei 2020 jylǵy 16 naýryz ben 16 maýsym aralyǵynda ýaqtyly ótelmegen tólemder boiynsha aiyppul jáne ósimpul qosylmaidy.
"Osy úsh ai ishinde negizgi qaryz ben syiaqyny ózińizge yńǵaily ýaqytta yńǵaily kúni tolyq óteseńiz, tólemderdi keiinge shegerý týraly ótinish bermei-aq, qolaily nesie óteý kestesin tańdap, aidyń kez kelgen kúninde qaryzdy ótei alasyz. Muny úiden shyqpai-aq onlain jasaýǵa bolady", – deidi ol.
Sonymen qatar 2020 jylǵy 30 naýryzdan bastap karantin aiaqtalǵansha Qazaqstan aýmaǵyndaǵy barlyq filialda Turǵyn úi qurylys jinaq banki klientterge qyzmet kórsetýdiń jańa nusqasyna ótedi. Bólimshelerde nesie ótinishterin qabyldaý, postkredit jáne postdepozit operatsiialar ýaqytsha toqtatylady.
Azamattar Bankke kelip, tek eki operatsiiany qoldana alady: depozitti bólý/toqtatý arqyly aqshańyzdy alý, sondai-aq zaemnyń bir bóligin jabý nemese ony tolyqtai óteý. Bul operatsiialardy paidalaný úshin klientke bank saityndaǵy onlain-brondaý arqyly aldyn-ala jazylý kerek.
"27 naýryz 18.00-ge deiin berilgen jáne maquldanǵan barlyq nesie ótinishi klientti telefonmen jeke habarlasyp shaqyrý arqyly beriletin bolady. Qazir biz 1000 shamasyndaǵy nesie ótinishin qarastyryp jatyrmyz, 200 ótinish berilý kezeńinde.
Karantin aiaqtalǵansha satyp alý-satý mámilesin jasaspaýǵa shaqyramyz, alaida aýyryp qalý qaterinen de joǵary turǵan dúnieler bolsa, nesie ótinishińizdi qarastyryp, sońyna deiin júrgizip beremiz.
Nesie óteý jáne depozit tolyqtyrý sizge yńǵaily bolýy úshin qaladaǵy karantin rejiminde ashyq turǵan oryndarda ornalasqan tólem terminaldary isteidi. Alaida saýda-oiyn ortalyǵy men bazar izdep qalada júrmei, tólemdi JSSB 24 internet-bankingi arqyly júrgizýge shaqyramyz. Munda siz kez kelgen banktiń tólem kartasyn qoldana alasyz", – deidi bank basshysy.
