Birinshi mamyr aýyldyq okrýgi, Beınetkesh eldi mekeniniń turǵyny Baǵlan Týmataev «Eńbek» memlekettik baǵdarlamasy aıasynda, jańa bıznes-ıdeıalardy júzege asyrýǵa arnalǵan memlekettik grant ıegeri atanyp, qaıtarymsyz 1 mln 380 myń teńge qarjyǵa ıe boldy.
Kásipker judyryqtaı qustyń babyn tabý úshin kóp izdengenin aıtyp, aýdan ákimi Tólegen Telǵaraev pen Máslıhat tóraǵasy Nurlan Qoıbaǵarovqa otbasylyq qus fermasyn tanystyrdy.
Jeke kásipker bódeneniń eti men jumyrtqasynyń paıdasy mol ekendigin, olardy ustaý, baǵý sharttaryn oqyp, bul iske kiriskenin áńgimeledi.
– Úı aýlasynan bódene sharýashylyǵyn júrgizý ıdeıasymen qus jóninde kóptegen málimetter izdedim. Kishkentaı qustyń babyn tabý úshin qajetti temperatýrany retteýdi qolǵa aldym.
Bódene jóninde eń birinshi eskeretin jaıt, bul qus sýyq jerde jumyrtqalamaıdy. Ystyqty da unata qoımaıdy. Turaqty temperatýra 16-18 gradýs jyly bolýy tıis, – dedi kásipker.
Eresek bódeneler bir ǵımarattyń ishinde ornalasqan arnaıy qondyrǵylarǵa jaıǵasqan. Ár qondyrǵyda qus jáshikteri bar. Bódeneler arnaıy jemdeledi. İstiń mán jaıyn tolyq meńgergen kásipker 2000 bas bódeneden kúndigine 800 jumyrtqa ótkizip, aıyna 200-250 myń teńge tabys taýyp otyrǵanyn jetkizdi. Sondaı-aq, kásiptiń osy túrin damytýdy maqsat etkenderge jol siltep, jumys júrgizý tásilin úıretpek.
