Tólebı aýdany Kıelitas aýyldyq okrýginiń turǵyny, sharýa Rústem Aslanov aýylsharýashylyq maqsatta alǵan 1 gektar jýyq jerine qyzanaq, kartop, qıar egip, kókónis baptaýdy qolǵa alǵan, – dep habarlaıdy Dalanews.kz Túrkistan oblysynyń Óńirlik komýnıkasıalar qyzmetine silteme jasap.

Dıqan aýylsharýashylyq maqsatyndaǵy 1 gektar jerine erte kúzde kartop egip, maýsym aıynda pisip, jetilgen daıyn ónimdi saýda oryndaryna shyǵarady. Kásipker kókónisti kútip-baptaýynyń nátıjesinde 30-35 tonnadaı ónim alatynyn jetkizdi.

Sondaı-aq, jaz mezgilinde kókónisti jınap alǵannan keıin bos qalǵan jerge ekinshi ónim retinde sarymsaq, pıaz egýdi josparlap otyr. Sapaly ári ekologıalyq taza ónimderi saýda oryndarynda úlken suranysqa ıe.

Kásipker aýylsharýashylyǵyna qajetti tehnıkany jalǵa alyp jumys isteıtinin, aldaǵy ýaqytta tehnıkalardy satyp alý josparda bar ekenin jetkizdi.

Rızyǵyn jerden tergen dıqan kókónis ónimderin egýmen qatar, baý egý jumystaryn qolǵa alǵan. Ol Saryaǵash aýdanynan ákelgen órik, shıe, qara órik, alma kóshetterin 7 gektar jerge egip, ony kútip-baptaý jumystaryn qolǵa alǵan. Kelesi jyly otyrǵyzǵan kóshetter ónim beredi dep kútilýde.