ديقان اۋىلشارۋاشىلىق ماقساتىنداعى 1 گەكتار جەرىنە ەرتە كۇزدە كارتوپ ەگىپ، ماۋسىم ايىندا ءپىسىپ، جەتىلگەن دايىن ءونىمدى ساۋدا ورىندارىنا شىعارادى. كاسىپكەر كوكونىستى كۇتىپ-باپتاۋىنىڭ ناتيجەسىندە 30-35 تونناداي ءونىم الاتىنىن جەتكىزدى.
سونداي-اق، جاز مەزگىلىندە كوكونىستى جيناپ العاننان كەيىن بوس قالعان جەرگە ەكىنشى ءونىم رەتىندە سارىمساق، پياز ەگۋدى جوسپارلاپ وتىر. ساپالى ءارى ەكولوگيالىق تازا ونىمدەرى ساۋدا ورىندارىندا ۇلكەن سۇرانىسقا يە.
كاسىپكەر اۋىلشارۋاشىلىعىنا قاجەتتى تەحنيكانى جالعا الىپ جۇمىس ىستەيتىنىن، الداعى ۋاقىتتا تەحنيكالاردى ساتىپ الۋ جوسپاردا بار ەكەنىن جەتكىزدى.
ريزىعىن جەردەن تەرگەن ديقان كوكونىس ونىمدەرىن ەگۋمەن قاتار، باۋ ەگۋ جۇمىستارىن قولعا العان. ول سارىاعاش اۋدانىنان اكەلگەن ورىك، شيە، قارا ورىك، الما كوشەتتەرىن 7 گەكتار جەرگە ەگىپ، ونى كۇتىپ-باپتاۋ جۇمىستارىن قولعا العان. كەلەسى جىلى وتىرعىزعان كوشەتتەر ءونىم بەرەدى دەپ كۇتىلۋدە.
