Tólebi aýdanynda «Basqa memleketter aýmaǵyndaǵy urys qimyldarynyń ardagerleri men múgedekteri» QB-nyń birlese uiymdastyrýymen jiyn ótti, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Is-shara Tájik – Aýǵan shekarasynan Qazaqstan bitimgershilik áskeriniń shyǵarylǵanyna 24 jyl tolýyna arnalǵan. 8 aqpan - qazaq áskerleri tájik-aýǵan shekarasynan shyǵarylǵan kún bolatyn. Osyǵan orai, búgin Tólebi aýdandyq mádeniet úiinde tájik-aýǵan shekarasynda qaza bolǵan áskerlerdiń rýhyna taǵzym etildi.
Sharaǵa aýdandyq máslihat tóraǵasy Nurlan Qoibaǵarov qatysyp, birqatar azamattarǵa Alǵys hattar men arnaiy tósbelgi tabystady. Is-shara Aqqum aýyldyq okrýgindegi Q.Tynybekov jalpy orta mektebinde jalǵasyp, jasóspirimder arasynda qazaq kúresinen oblystyq ashyq birinshilik ótti. Sporttyq saiysqa Túrkistan oblysy aýmaǵynyń 4 aýdanynan 8 komanda qatysyp, 150-ge jýyq jasóspirim ózara baq synady. Sporttyq saiys qorytyndysymen jeńimpaz atanǵandar arnaiy syilyq,medaldarmen marapattaldy. Marqum bolǵan sarbazdardyń rýhyna quran baǵyshtap,as berildi.
