تولەبي اۋدانىندا «باسقا مەملەكەتتەر اۋماعىنداعى ۇرىس قيمىلدارىنىڭ ارداگەرلەرى مەن مۇگەدەكتەرى» قب-نىڭ بىرلەسە ۇيىمداستىرۋىمەن جيىن ءوتتى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
ءىس-شارا تاجىك – اۋعان شەكاراسىنان قازاقستان بىتىمگەرشىلىك اسكەرىنىڭ شىعارىلعانىنا 24 جىل تولۋىنا ارنالعان. 8 اقپان - قازاق اسكەرلەرى تاجىك-اۋعان شەكاراسىنان شىعارىلعان كۇن بولاتىن. وسىعان وراي، بۇگىن تولەبي اۋداندىق مادەنيەت ۇيىندە تاجىك-اۋعان شەكاراسىندا قازا بولعان اسكەرلەردىڭ رۋحىنا تاعزىم ەتىلدى.
شاراعا اۋداندىق ءماسليحات ءتوراعاسى نۇرلان قويباعاروۆ قاتىسىپ، ءبىرقاتار ازاماتتارعا العىس حاتتار مەن ارنايى توسبەلگى تابىستادى. ءىس-شارا اققۇم اۋىلدىق وكرۋگىندەگى ق.تىنىبەكوۆ جالپى ورتا مەكتەبىندە جالعاسىپ، جاسوسپىرىمدەر اراسىندا قازاق كۇرەسىنەن وبلىستىق اشىق بىرىنشىلىك ءوتتى. سپورتتىق سايىسقا تۇركىستان وبلىسى اۋماعىنىڭ 4 اۋدانىنان 8 كوماندا قاتىسىپ، 150-گە جۋىق ءجاسوسپىرىم ءوزارا ب ا ق سىنادى. سپورتتىق سايىس قورىتىندىسىمەن جەڭىمپاز اتانعاندار ارنايى سىيلىق،مەدالدارمەن ماراپاتتالدى. مارقۇم بولعان ساربازداردىڭ رۋحىنا قۇران باعىشتاپ،اس بەرىلدى.
