Tólebi aýdanyndaǵy aýyldarda sý men jaryq tartylyp jatyr
Aldymen eldi mekendegi aýyz sý júiesiniń isten shyǵýyn kórip, «Lengir sý» MKK-nyń basshysy A. Altaevqa sý qubyrynyń jóndeý jumystaryn qysqa merzimde aiaqtap, aýyl turǵyndaryn tolyq aýyz sýmen qamtamasyz etýdi tapsyrdy.
Tólebi aýdanyndaǵy aýldardaǵy sý qubyrlary ótken ǵasyrdyń jetpisinshi jyldary salynǵandyqtan olar ábden tozǵan.
Biyl aýdanda aýyzsý tartý jumystary bastalǵanda, aýyl turǵyndary bórikterin aspanǵa atyp qýanǵan-dy.
– Kúnine bir-aq saǵat sý beretin. Jaqsy jańalyq estip jatyrmyz. Raqmet. Zaqambar aýylyna aýyzsý tartý jumystaryna biýdjetten 402 mln teńge qarjy bólingen. Búginge deiin onyń 212 milliony igerilipti. Qazir bunda 8 tehnika men 35 adam tynymsyz jumys isteýde. Olardyń 25-si – aýyl turǵyndary, – dep Zaqambar aýylynyń turǵyny Satybaldy Qojaev aýdan basshylyǵyna alǵysyn aitqan bolatyn.
Jumys sapary barysynda aýdan ákimi eldimeken turǵyndarynyń jaryq baǵanalaryna jáne jolǵa qatysty saýal, usynystaryn tyńdady.
Aýdan basshysy turǵyndarmen kezdesý barysynda qoiylǵan suraqtarǵa jaýaptar berip, birqatar máselelerdiń sheshiletindigin, birqatary boiynsha turǵyndarǵa sheshimniń zańdy joldaryn túsindirip, oryndaý boiynsha aýyldyq okrýg ákimi men tiisti sala basshylaryna naqty tapsyrmalar berdi.
Tólebi aýdany ákimdiginiń baspasóz qyzmeti
