بۇگىن اۋدان اكىمى باۋىرجان وماربەكوۆ ازاماتتاردىڭ جەكە قابىلداۋدا كوتەرگەن ماسەلەلەرى بويىنشا جۇمىس ساپارىمەن الاتاۋ اۋىلدىق وكرۋگىنىڭ نىسانبەك ەلدى مەكەنىندە بولدى.

الدىمەن ەلدى مەكەندەگى اۋىز سۋ جۇيەسىنىڭ ىستەن شىعۋىن كورىپ، «لەنگىر سۋ» مكك-نىڭ باسشىسى ا. التايەۆقا سۋ قۇبىرىنىڭ جوندەۋ جۇمىستارىن قىسقا مەرزىمدە اياقتاپ، اۋىل تۇرعىندارىن تولىق اۋىز سۋمەن قامتاماسىز ەتۋدى تاپسىردى.

تولەبي اۋدانىنداعى اۋلدارداعى سۋ قۇبىرلارى وتكەن عاسىردىڭ جەتپىسىنشى جىلدارى سالىنعاندىقتان ولار ابدەن توزعان.

بيىل اۋداندا اۋىزسۋ تارتۋ جۇمىستارى باستالعاندا، اۋىل تۇرعىندارى بورىكتەرىن اسپانعا اتىپ قۋانعان-دى.

– كۇنىنە ءبىر-اق ساعات سۋ بەرەتىن. جاقسى جاڭالىق ەستىپ جاتىرمىز. راقمەت. زاقامبار اۋىلىنا اۋىزسۋ تارتۋ جۇمىستارىنا بيۋدجەتتەن 402 ملن تەڭگە قارجى بولىنگەن. بۇگىنگە دەيىن ونىڭ 212 ميلليونى يگەرىلىپتى. ءقازىر بۇندا 8 تەحنيكا مەن 35 ادام تىنىمسىز جۇمىس ىستەۋدە. ولاردىڭ 25ء-سى – اۋىل تۇرعىندارى، – دەپ زاقامبار اۋىلىنىڭ تۇرعىنى ساتىبالدى قوجايەۆ اۋدان باسشىلىعىنا العىسىن ايتقان بولاتىن.

جۇمىس ساپارى بارىسىندا اۋدان اكىمى ەلدىمەكەن تۇرعىندارىنىڭ جارىق باعانالارىنا جانە جولعا قاتىستى ساۋال، ۇسىنىستارىن تىڭدادى.

اۋدان باسشىسى تۇرعىندارمەن كەزدەسۋ بارىسىندا قويىلعان سۇراقتارعا جاۋاپتار بەرىپ، ءبىرقاتار ماسەلەلەردىڭ شەشىلەتىندىگىن، ءبىرقاتارى بويىنشا تۇرعىندارعا شەشىمنىڭ زاڭدى جولدارىن ءتۇسىندىرىپ، ورىنداۋ بويىنشا اۋىلدىق وكرۋگ اكىمى مەن ءتيىستى سالا باسشىلارىنا ناقتى تاپسىرمالار بەردى.

 

تولەبي اۋدانى اكىمدىگىنىڭ باسپا ءسوز قىزمەتى