Tólebi aýdanyna ústimizdegi jyly 27 839 týrist kelgen
Basqosýda bólim basshysy aýdanda týrizmdi damytý men perspektivalary týraly jumystarmen tanystyrdy.
M.Óserbaev aýdanǵa 2018 jyldyń 10 aiynda 27 839 týrist kelgendigin, osy jyly 4 týristik nysandy iske qosý josparlansa, búgingi tańda 3 týristtik nysan «AISA», «SAIRAM SU resort» demalys oryndary jáne «Aqken» balalardy saýmalmen emdeý ortalyǵy tolyq iske qosylyp, 650,0 mln teńgege aýdanymyzǵa investitsiia tartylǵanyn atap ótti. Servistik qyzmet kórsetý boiynsha turaqty jumyspen 378 adam qamtylǵanyn, infraqurylymdy damytýda Aqmeshit shatqalyna baratyn Ekpindi-Aqmeshit jolynyń 2,5 shaqyrymy jóndelip, Ekpindi-Aqmeshit kópiriniń qurylysy aiaqtalyp paidalanýǵa berilgenin, oblystyq mańyzy bar KH82 avtomobil jolynda ornalasqan «Taý samaly» demalys aimaǵyna jáne shańǵy bazasyna baratyn joldyń 30 shaqyrymyna kúrdeli jóndeý jumystary júrgizilgendigin aitty.
Týrizmdi damytýda Birkólik-Aqmeshit shatqaldaryna bas jospar jasalyp, týristik nysandarǵa baratyn jol torabyna jol siltegishter jáne ájethanalar qoiylǵan. Kóp qarjyny jáne uzaq merzimdi talap etpeitin 1, 2, 3 kúndik týristik marshrýttar jáne óńirdiń basty týristik nysandaryn qamtityn 3, 5 kúndik eki týristik marshrýt ázirlengen.
Aýdan aýmaǵynda jalpy 70 týristik nysandary bar, onyń ishinde 6 qonaq úi («Alma Taý», «Taý samaly», «Saýts-Oil», «Izými», «Bastaý», «Aisa»), 2 emdik-saýyqtyrý oryndary («Birkólik sanatoriiasy», «Aqken» saýmalmen emdeý ortalyǵy), 2 balalar saýyqtyrý lageri («Taý samaly», «Edelveis») jáne irili-usaq 47 demalys aimaqtary men 15 kottedj úileri jumys jasaidy.
Tólebide 30-dan asa tarihi-arheologiialyq obektileri bar, olar saq zamanynyń qorǵandary, orta ǵasyrlyq qalashyqtardyń oryndary jáne halyq arasynda aty ańyzǵa ainalǵan tarihi mańyzy bar «Jylaq ata», «Ǵaiyp Eren Qyryq Shilten», «Nur ata», «Aq meshit» sekildi kópshilik minajat etetin áýlieli oryndar.
M.Óserbaev Tólebi aýdanynda aldaǵy ýaqytta týrizmdi 3 baǵytta damytý josparymen bólisti, olar:
- Infraqurylymdy damytý: joldar, jol siltegishter, nysan tólqujattary, ájethanalar, taksi qyzmetin uiymdastyrý;
- Marketing: el ishinde, syrtqy elderge týristik ónimdi nasihattaý, týristtik kórme, jármeńkelerge qatysý, jarnamalyq materialdar, bannerler ilý, beinerolikterdi transliatsiialaý;
- Qyzmet kórsetý sapasyn arttyrý: oqytý seminar-treningterin uiymdastyrý, ulttyq parkterge jáne demalys aimaqtaryna qoǵamdyq kólik júrgizý jumystary.
Jýrnalister tarapynan bólim basshysyna týristik oryndaryndaǵy tazalyqqa qatysty, jol siltegishter, shet elderden týristerdi tartý, ekskýrsiia uiymdastyrýshylarǵa qatysty suraqtar qoiylyp, tushymdy jaýaptar alyndy.
Tólebi aýdany ákimdiginiń baspasóz qyzmeti
