باسقوسۋدا ءبولىم باسشىسى اۋداندا ءتۋريزمدى دامىتۋ مەن پەرسپەكتيۆالارى تۋرالى جۇمىستارمەن تانىستىردى.
م.وسەربايەۆ اۋدانعا 2018 جىلدىڭ 10 ايىندا 27 839 تۋريست كەلگەندىگىن، وسى جىلى 4 تۋريستىك نىساندى ىسكە قوسۋ جوسپارلانسا، بۇگىنگى تاڭدا 3 تۋريستتىك نىسان «AISA»، «SAIRAM SU resort» دەمالىس ورىندارى جانە «اقكەن» بالالاردى ساۋمالمەن ەمدەۋ ورتالىعى تولىق ىسكە قوسىلىپ، 650،0 ملن تەڭگەگە اۋدانىمىزعا ينۆەستيسيا تارتىلعانىن اتاپ ءوتتى. سەرۆيستىك قىزمەت كورسەتۋ بويىنشا تۇراقتى جۇمىسپەن 378 ادام قامتىلعانىن، ينفراقۇرىلىمدى دامىتۋدا اقمەشىت شاتقالىنا باراتىن ەكپىندى-اقمەشىت جولىنىڭ 2،5 شاقىرىمى جوندەلىپ، ەكپىندى-اقمەشىت كوپىرىنىڭ قۇرىلىسى اياقتالىپ پايدالانۋعا بەرىلگەنىن، وبلىستىق ماڭىزى بار كح82 اۆتوموبيل جولىندا ورنالاسقان «تاۋ سامالى» دەمالىس ايماعىنا جانە شاڭعى بازاسىنا باراتىن جولدىڭ 30 شاقىرىمىنا كۇردەلى جوندەۋ جۇمىستارى جۇرگىزىلگەندىگىن ايتتى.
ءتۋريزمدى دامىتۋدا بىركولىك-اقمەشىت شاتقالدارىنا باس جوسپار جاسالىپ، تۋريستىك نىساندارعا باراتىن جول تورابىنا جول سىلتەگىشتەر جانە اجەتحانالار قويىلعان. كوپ قارجىنى جانە ۇزاق مەرزىمدى تالاپ ەتپەيتىن 1، 2، 3 كۇندىك تۋريستىك مارشرۋتتار جانە ءوڭىردىڭ باستى تۋريستىك نىساندارىن قامتيتىن 3، 5 كۇندىك ەكى تۋريستىك مارشرۋت ازىرلەنگەن.
اۋدان اۋماعىندا جالپى 70 تۋريستىك نىساندارى بار، ونىڭ ىشىندە 6 قوناق ءۇي («الما تاۋ»، «تاۋ سامالى»، «ساۋتس-ويل»، «يزۋمي»، «باستاۋ»، «ايسا»)، 2 ەمدىك-ساۋىقتىرۋ ورىندارى («بىركولىك ساناتورياسى»، «اقكەن» ساۋمالمەن ەمدەۋ ورتالىعى)، 2 بالالار ساۋىقتىرۋ لاگەرى («تاۋ سامالى»، «ەدەلۆەيس») جانە ءىرىلى-ۇساق 47 دەمالىس ايماقتارى مەن 15 كوتتەدج ۇيلەرى جۇمىس جاسايدى.
تولەبيدە 30-دان اسا تاريحي-ارحەولوگيالىق وبەكتىلەرى بار، ولار ساق زامانىنىڭ قورعاندارى، ورتا عاسىرلىق قالاشىقتاردىڭ ورىندارى جانە حالىق اراسىندا اتى اڭىزعا اينالعان تاريحي ماڭىزى بار «جىلاق اتا»، «عايىپ ەرەن قىرىق شىلتەن»، «نۇر اتا»، «اق مەشىت» سەكىلدى كوپشىلىك ءمىناجات ەتەتىن اۋليەلى ورىندار.
م.وسەربايەۆ تولەبي اۋدانىندا الداعى ۋاقىتتا ءتۋريزمدى 3 باعىتتا دامىتۋ جوسپارىمەن ءبولىستى، ولار:
- ينفراقۇرىلىمدى دامىتۋ: جولدار، جول سىلتەگىشتەر، نىسان ءتولقۇجاتتارى، اجەتحانالار، تاكسي قىزمەتىن ۇيىمداستىرۋ؛
- ماركەتينگ: ەل ىشىندە، سىرتقى ەلدەرگە تۋريستىك ءونىمدى ناسيحاتتاۋ، تۋريستتىك كورمە، جارمەڭكەلەرگە قاتىسۋ، جارنامالىق ماتەريالدار، باننەرلەر ءىلۋ، بەينەروليكتەردى ترانسلياسيالاۋ؛
- قىزمەت كورسەتۋ ساپاسىن ارتتىرۋ: وقىتۋ سەمينار-ترەنينگتەرىن ۇيىمداستىرۋ، ۇلتتىق پاركتەرگە جانە دەمالىس ايماقتارىنا قوعامدىق كولىك جۇرگىزۋ جۇمىستارى.
جۋرناليستەر تاراپىنان ءبولىم باسشىسىنا تۋريستىك ورىندارىنداعى تازالىققا قاتىستى، جول سىلتەگىشتەر، شەت ەلدەردەن تۋريستەردى تارتۋ، ەكسكۋرسيا ۇيىمداستىرۋشىلارعا قاتىستى سۇراقتار قويىلىپ، تۇششىمدى جاۋاپتار الىندى.
تولەبي اۋدانى اكىمدىگىنىڭ باسپا ءسوز قىزمەتى
