Bıyl aýdannyń 2 birdeı aýyly sapaly aýyz sýmen qamtamasyz etiletin bolady. Atap aıqanda, turǵyndary artezıan qudyqtardan sý iship kelgen Taǵaına aýyly men sý qubyrlary tozǵan Zaǵambar aýyly. Zaǵambar aýylyndaǵy sý qubyrynyń qurylysy aǵymdaǵy jyldyń sáýir aıynda bastasa, Taǵaınadaǵy qurylys jumystary mamyr aıynda bastaý alǵan.
Nátıjesinde salynyp jatqan jańa sý qubyrlary aǵymdaǵy jyldyń sońyna deıin 6 myńnan asa aýyl turǵynyn sapaly sýmen qamtamasyz etetin bolady. Sondaı-aq, atalǵan aımaqta árqaısysy 2 danadan syıymdylyǵy 300 jáne 150 tekshe metrlik sý jınaǵysh-rezervýardyń qurylysy júzege asyrylýda.
Taǵaına jáne Zaǵambar aýyldaryna sý eldi meken janynan anyqtalǵan uńǵymalardan beriledi. Eki aýylǵa tartylatyn sý ótkizgishterdiń jalpy uzyndyǵy – 78,327 shaqyrymdy quramaq. Sý qubyry jelileriniń qurylysy respýblıkalyq búdjet esebinen júzege asyrylýda. Taǵaına aýylyndaǵy qurylystyń merdigeri "Star-Stroi" JSHS-i, al Zaǵambar aýylynda sý qubyryn "Monolıt-Dızaın-2030" JSHS-i júrgizýde.
Túrkistan oblysy ákiminiń baspasóz qyzmeti
