Bokstan Tokio Olimpiadasynda Qazaqstan komandasynyń úzdigi Bekzad Nurdáýletov jeńilip qaldy, dep habarlaidy Dalanews.kz Olympic.kz-ke silteme jasap.
81 kelige deiingi salmaqta judyryqtasqan Bekzad Nurdáýletov reseilik pen kezdesken bolatyn.
Tartysty kezdesýde tóreshiler 4:1 esebimen jeńisti reseilik boksshy Imam Hataevqa berdi.
Osylaisha, 2019 jylǵy álem chempiony Bekzad Nurdáýletov Tokio Olimpiadasyndaǵy birinshi jekpe-jeginde jeńilis tapty.
Boksshy Serik Temirjanov ta Tokiodaǵy Olimpiada oiyndaryn aiaqtady. 57 kelige deiingi salmaqta synǵa túsken Serik 1/8 finalda amerikalyq Diýk Reganmen kezdesken bolatyn. Jekpe-jekte Temirjanov 0:5 esebimen qarsylasqa jol berip, Tokio Olimpiadasyn júldesiz aiaqtady.
"Qolymnan kelgenshe tyrystym, álim jetpedi. Bar kúshimdi saldym. Ne istei alamyn, sonyń bárin jasadym. Jankúierlerdiń úmitin aqtai almaǵanym úshin keshirim suraimyn. Barymdy saldym, buiyrmady", - dedi Serik Temirjanov.
Aita keteiik, buǵan deiin Abylaihan Júsipov (69 keli) pen Vasilii Levit (91 keli) Tokio Olimpiadasymen qoshtasqan edi. Qazaqstan boksshylary sapynan tórtinshi sportshy Olimpiadany aiaqtady.
