بوكستان توكيو وليمپياداسىندا قازاقستان كومانداسىنىڭ ۇزدىگى بەكزاد نۇرداۋلەتوۆ جەڭىلىپ قالدى، دەپ حابارلايدى Dalanews.kz Olympic.kz-كە سىلتەمە جاساپ.

81 كەلىگە دەيىنگى سالماقتا جۇدىرىقتاسقان بەكزاد نۇرداۋلەتوۆ رەسەيلىك پەن كەزدەسكەن بولاتىن.

تارتىستى كەزدەسۋدە تورەشىلەر 4:1 ەسەبىمەن جەڭىستى رەسەيلىك بوكسشى يمام حاتايەۆقا بەردى.

وسىلايشا، 2019 جىلعى الەم چەمپيونى بەكزاد نۇرداۋلەتوۆ توكيو وليمپياداسىنداعى ءبىرىنشى جەكپە-جەگىندە جەڭىلىس تاپتى.

بوكسشى سەرىك تەمىرجانوۆ تا توكيوداعى وليمپيادا ويىندارىن اياقتادى.  57 كەلىگە دەيىنگى سالماقتا سىنعا تۇسكەن سەرىك 1/8 فينالدا امەريكالىق ديۋك رەگانمەن كەزدەسكەن بولاتىن. جەكپە-جەكتە تەمىرجانوۆ 0:5 ەسەبىمەن قارسىلاسقا جول بەرىپ، توكيو وليمپياداسىن جۇلدەسىز اياقتادى.

"قولىمنان كەلگەنشە تىرىستىم، ءالىم جەتپەدى. بار كۇشىمدى سالدىم. نە ىستەي الامىن، سونىڭ ءبارىن جاسادىم. جانكۇيەرلەردىڭ ءۇمىتىن اقتاي الماعانىم ءۇشىن كەشىرىم سۇرايمىن. بارىمدى سالدىم، بۇيىرمادى"، - دەدى سەرىك تەمىرجانوۆ.

ايتا كەتەيىك، بۇعان دەيىن ابىلايحان ءجۇسىپوۆ (69 كەلى) پەن ۆاسيليي ليەۆيت (91 كەلى) توكيو وليمپياداسىمەن قوشتاسقان ەدى. قازاقستان بوكسشىلارى ساپىنان ءتورتىنشى سپورتشى وليمپيادانى اياقتادى.