QMA qumdy zańsyz óndirýdiń aýqymdy deregin tergep jatyr, dep habarlaidy dalanews.kz.
QMA Qostanai oblysy boiynsha departamenti jer qoinaýyn zańsyz paidalaný jáne paidaly qazbalardy óz betinshe óndirý deregi boiynsha tergep-tekserýdi aiaqtady. Tergeý amaldaryna sai "STS-Tsement" JShS basshysy memleket belgilep bergen jer qoinaýy ýchaskesinen tys jerde, Tobyl ózeniniń arnasy men jaǵalaýynan ónerkásiptik kólemde ózen qumyn zańsyz óndirýdi uiymdastyrǵan.
Jumystar ózen túbinen eki jer snariad kómegimen gidromehanikalandyrylǵan tásil arqyly júrgizilgen. Óndirilgen ózen qumy bailanysy bar kásiporyndarǵa ótkizilgen. Jalpy satylǵan qum kólemi 113 myń tekshe metrden asyp, onyń quny 719 mln teńgege jetken.
Zańsyz áreket saldarynan sý jáne jer resýrstaryna eleýli ekologiialyq ziian kelgen.
"Tobyl ózeniniń arnasy ózgerip, jaǵalaý syzyǵy buzylǵan, gidrologiialyq rejimge nuqsan kelip, batpaq aýmaqtar paida bolǵan. Ǵarysh túsirilimderiniń deregine sáikes sý qorynyń búlingen aýmaǵy 28 myń sharshy metrden asqan. Tabiǵi keshendi qalpyna keltirý úshin jaǵalaýdy bekitý, ózen arnasyn tazartý jáne búlingen jerlerdi rekýltivatsiialaý jumystary qajet", - dep jazylǵan habarlamada.
Sot sanktsiiasymen kúdiktige tiesili múlikke tyiym salyndy: 12 kólikke, 10 jer ýchaskesine jáne bir turǵyn emes úi-jaiǵa. Qylmystyq is sotqa joldandy.
