قما قۇمدى زاڭسىز ٶندٸرۋدٸڭ اۋقىمدى دەرەگٸن تەرگەپ جاتىر, دەپ حابارلايدى dalanews.kz.
قما قوستاناي وبلىسى بويىنشا دەپارتامەنتٸ جەر قويناۋىن زاڭسىز پايدالانۋ جەنە پايدالى قازبالاردى ٶز بەتٸنشە ٶندٸرۋ دەرەگٸ بويىنشا تەرگەپ-تەكسەرۋدٸ اياقتادى. تەرگەۋ امالدارىنا ساي "ستس-تسەمەنت" جشس باسشىسى مەملەكەت بەلگٸلەپ بەرگەن جەر قويناۋى ۋچاسكەسٸنەن تىس جەردە, توبىل ٶزەنٸنٸڭ ارناسى مەن جاعالاۋىنان ٶنەركەسٸپتٸك كٶلەمدە ٶزەن قۇمىن زاڭسىز ٶندٸرۋدٸ ۇيىمداستىرعان.
جۇمىستار ٶزەن تٷبٸنەن ەكٸ جەر سنارياد كٶمەگٸمەن گيدرومەحانيكالاندىرىلعان تەسٸل ارقىلى جٷرگٸزٸلگەن. ٶندٸرٸلگەن ٶزەن قۇمى بايلانىسى بار كەسٸپورىندارعا ٶتكٸزٸلگەن. جالپى ساتىلعان قۇم كٶلەمٸ 113 مىڭ تەكشە مەتردەن اسىپ, ونىڭ قۇنى 719 ملن تەڭگەگە جەتكەن.
زاڭسىز ەرەكەت سالدارىنان سۋ جەنە جەر رەسۋرستارىنا ەلەۋلٸ ەكولوگييالىق زييان كەلگەن.
"توبىل ٶزەنٸنٸڭ ارناسى ٶزگەرٸپ, جاعالاۋ سىزىعى بۇزىلعان, گيدرولوگييالىق رەجيمگە نۇقسان كەلٸپ, باتپاق اۋماقتار پايدا بولعان. عارىش تٷسٸرٸلٸمدەرٸنٸڭ دەرەگٸنە سەيكەس سۋ قورىنىڭ بٷلٸنگەن اۋماعى 28 مىڭ شارشى مەتردەن اسقان. تابيعي كەشەندٸ قالپىنا كەلتٸرۋ ٷشٸن جاعالاۋدى بەكٸتۋ, ٶزەن ارناسىن تازارتۋ جەنە بٷلٸنگەن جەرلەردٸ رەكۋلتيۆاتسييالاۋ جۇمىستارى قاجەت", - دەپ جازىلعان حابارلامادا.
سوت سانكتسيياسىمەن كٷدٸكتٸگە تيەسٸلٸ مٷلٸككە تىيىم سالىندى: 12 كٶلٸككە, 10 جەر ۋچاسكەسٸنە جەنە بٸر تۇرعىن ەمەس ٷي-جايعا. قىلمىستىق ٸس سوتقا جولداندى.
