[caption id="attachment_22122" align="alignright" width="308"]
Sodan da shyǵar, kúni kesheleri Tileýhan "Feisbýkti tizgindeiik" degen bolatyn. Munysynan keiin, ol odan beter synǵa qaldy. Halyq tili ashy ǵoi.
Ol da adam. Shymbaiyna batady. Qaitsin.
Jýrnalist Azamat Bitan elden erekshelenip, Bekbolat Tileýhan týraly oń pikir aitypty. Oqydyq. Oilandyq. Jýrnalist sóziniń sońyn jutyp qoiǵandai. Keibir aitaiyn degen oilaryn irkip qalǵan. Degenmen solardyń ishinde "halyqty tobyrǵa teńegen, Tileýhandy osy tobyrdan biik turdyǵa balaǵan" túiin sózi qyzyqtyrdy.
Munymen ne aitqysy keldi eken (jazba jýrnalistiń áleýmettik jelidegi jeke paraqshasynan alyndy)?
Qazaq qandai?
Jýrnalistiń pikirinshe, adam balasy kóz ashqaly jaman qasietke úiir eken. Bul dertten qazaq ta qashyp qutylmapty.
"Áleýmettik jeli suranysqa ie bolǵaly beri, álgi dert onan saiyn údei tústi. Meńzep otyrǵanym - kópke jaǵyný, artynan soqyr erý, daýsy sál qatty shyqqannyń yǵyna jyǵyla ketý. Meili erkek, meili áiel, aitqanyna úzdiksiz bas shulǵyp, istegenin qaitalaý...
Osy jerden tobyr degen sóz kelip shyǵady. Baqylap qarasaq, bulardan asqan paidańa jaraityn qural joq. Qoldaryna shyrpy ustatsań, jetip jatyr. Mundaida "Otqa ushar kóbelek, qaramai, sorly, aldy-artyn" degen Maǵjannyń shyǵarmasy eriksiz til ushyna oralady... "Oiyna kirip shyqpaidy, kúidirer dep ot jalyn".
Tobyr bir kemshiligińdi kórse, júz jaqsylyǵyńdy umytyp, jer aýdaryp jiberýge bar. Átteń, tek qoldarynda zakon qýaty joq. Dál osylar jiylyp tas atýǵa qumar, sottaýǵa qumar, durysty teriske shyǵarýǵa sheber. Biraq, bilesiz be, tártipke shydamsyz. Burylyp qarasań, shyryldap qoia beredi. Judyryq turmaq, shapalaqqa shydamaidy..." deidi ol.
"Tobyr as úide de tobyr"
Jýrnalistiń pikirinshe, tobyrlyq sananyń, tobyrlyq mádeniettiń ushpaqqa shyqqan kezi joq. Tobyr as úide de tobyr. Aýzynan boqtyq shyǵyp jatsa da qolyn joǵary-tómen sermep tura beretin essiz tyńdarmandardan esh aiyrmasy joq eken.
"Bekbolat aǵa! "Sokratqa ý ishkizgen, Ionna Arkti otqa órtegen, Ǵaisany darǵa asqan, paiǵambarymyzdy túieniń jemtigine kómgen kim? Ol - kóp, endeshe kópte aqyl joq" dep jazyp qaldyrǵan Abaidy da sabaǵan osy kóp edi ǵoi. Abai shydaǵan taiaqqa jazyqsyz atylyp ketken Álihan da, Ahmet te, Mirjaqyp ta (Óńkei Japonnyń tyńshylary degender) shydaǵan. Olardy saýsaq shoshaityp, kórsetip bergen de osy kóp edi. Abai shydaǵan taiaqqa Muhtar da (bul qalai repressiiadan aman qaldy, túbi qýys-aý degen), onyń shákirti Ábish te (Elbasynyń qolyn súidi dep búkil shyǵarmalaryn teriske shyǵarǵan) shydap ótken. Qalasańyz da, qalamasańyz da Oljas ta (Súleimenov kókemdi aitam), siz de shydaisyz. Sizder turmaq, bala Jambylǵa ses kórsetip, "budan sarai aqynyn qalyptastyrmaqshy, óleń jazýyn toqtatsyn" dep, jumsaq júrekke zapyranyn shashyp otyrǵan áleýmettik jeliniń asa belsendi qaýymyna ne aitýǵa keledi?!" - deidi ol.
"Qorqaýlardan qoryqpańyz!"
Bitan eseptep shyǵypty. Elimizde Feisbýkke tirkelgen qaýymnyń sany 300 myńnan asyp jyǵylady eken.
"Al álgindei dalaǵa qarap ulyp otyrǵandardyń sany ary ketse, 5-6 myń qorqaý. "Halyq burynǵydai qarańǵy emes" dep júrgen halyqtan sadaǵa ketsin. Já, on myń dep jazalyq. Alaida sizdiń ónerińizdi baǵalaityn, ustanymyńyzdy qurmetteitin, júzińizdi saǵynatyn, sózińizge uiityn halyqtyń sany myń-million ekenin bir sátke de esińizden shyǵarmaǵaisyz" deidi ol bul rette.
Sóziniń sońyn jýrnalist bylai túiindedi. Onyń oiynsha, tobyr da eshqashan týra sózge toqtap, naqyldy kerek etken emes, etpeidi de.
"Olai bolsa, birli jarym ánshi-sazger, birli jarym sheneýnik, birli jarym ǵalym, birli jarym jýrnalist, birli jarym filosof-jazýshynyń qyzǵanysh pen kórealmastyqtan týǵan aryz-aiqaiyn kóńilińizge almaǵaisyz" dep qorytyndylapty Azamat Bitan.
