[caption id="attachment_22122" align="alignright" width="308"]
سودان دا شىعار, كٷنٸ كەشەلەرٸ تٸلەۋحان "فەيسبۋكتٸ تٸزگٸندەيٸك" دەگەن بولاتىن. مۇنىسىنان كەيٸن, ول ودان بەتەر سىنعا قالدى. حالىق تٸلٸ اششى عوي.
ول دا ادام. شىمبايىنا باتادى. قايتسٸن.
جۋرناليست ازامات بيتان ەلدەن ەرەكشەلەنٸپ, بەكبولات تٸلەۋحان تۋرالى وڭ پٸكٸر ايتىپتى. وقىدىق. ويلاندىق. جۋرناليست سٶزٸنٸڭ سوڭىن جۇتىپ قويعانداي. كەيبٸر ايتايىن دەگەن ويلارىن ٸركٸپ قالعان. دەگەنمەن سولاردىڭ ٸشٸندە "حالىقتى توبىرعا تەڭەگەن, تٸلەۋحاندى وسى توبىردان بيٸك تۇردىعا بالاعان" تٷيٸن سٶزٸ قىزىقتىردى.
مۇنىمەن نە ايتقىسى كەلدٸ ەكەن (جازبا جۋرناليستٸڭ ەلەۋمەتتٸك جەلٸدەگٸ جەكە پاراقشاسىنان الىندى)?
قازاق قانداي?
جۋرناليستٸڭ پٸكٸرٸنشە, ادام بالاسى كٶز اشقالى جامان قاسيەتكە ٷيٸر ەكەن. بۇل دەرتتەن قازاق تا قاشىپ قۇتىلماپتى.
"ەلەۋمەتتٸك جەلٸ سۇرانىسقا يە بولعالى بەرٸ, ەلگٸ دەرت ونان سايىن ٷدەي تٷستٸ. مەڭزەپ وتىرعانىم - كٶپكە جاعىنۋ, ارتىنان سوقىر ەرۋ, داۋسى سەل قاتتى شىققاننىڭ ىعىنا جىعىلا كەتۋ. مەيلٸ ەركەك, مەيلٸ ەيەل, ايتقانىنا ٷزدٸكسٸز باس شۇلعىپ, ٸستەگەنٸن قايتالاۋ...
وسى جەردەن توبىر دەگەن سٶز كەلٸپ شىعادى. باقىلاپ قاراساق, بۇلاردان اسقان پايداڭا جارايتىن قۇرال جوق. قولدارىنا شىرپى ۇستاتساڭ, جەتٸپ جاتىر. مۇندايدا "وتقا ۇشار كٶبەلەك, قاراماي, سورلى, الدى-ارتىن" دەگەن ماعجاننىڭ شىعارماسى ەرٸكسٸز تٸل ۇشىنا ورالادى... "ويىنا كٸرٸپ شىقپايدى, كٷيدٸرەر دەپ وت جالىن".
توبىر بٸر كەمشٸلٸگٸڭدٸ كٶرسە, جٷز جاقسىلىعىڭدى ۇمىتىپ, جەر اۋدارىپ جٸبەرۋگە بار. ەتتەڭ, تەك قولدارىندا زاكون قۋاتى جوق. دەل وسىلار جيىلىپ تاس اتۋعا قۇمار, سوتتاۋعا قۇمار, دۇرىستى تەرٸسكە شىعارۋعا شەبەر. بٸراق, بٸلەسٸز بە, تەرتٸپكە شىدامسىز. بۇرىلىپ قاراساڭ, شىرىلداپ قويا بەرەدٸ. جۇدىرىق تۇرماق, شاپالاققا شىدامايدى..." دەيدٸ ول.
"توبىر اس ٷيدە دە توبىر"
جۋرناليستٸڭ پٸكٸرٸنشە, توبىرلىق سانانىڭ, توبىرلىق مەدەنيەتتٸڭ ۇشپاققا شىققان كەزٸ جوق. توبىر اس ٷيدە دە توبىر. اۋزىنان بوقتىق شىعىپ جاتسا دا قولىن جوعارى-تٶمەن سەرمەپ تۇرا بەرەتٸن ەسسٸز تىڭدارمانداردان ەش ايىرماسى جوق ەكەن.
"بەكبولات اعا! "سوكراتقا ۋ ٸشكٸزگەن, يوننا اركتٸ وتقا ٶرتەگەن, عايسانى دارعا اسقان, پايعامبارىمىزدى تٷيەنٸڭ جەمتٸگٸنە كٶمگەن كٸم? ول - كٶپ, ەندەشە كٶپتە اقىل جوق" دەپ جازىپ قالدىرعان ابايدى دا ساباعان وسى كٶپ ەدٸ عوي. اباي شىداعان تاياققا جازىقسىز اتىلىپ كەتكەن ەليحان دا, احمەت تە, مٸرجاقىپ تا (ٶڭكەي جاپوننىڭ تىڭشىلارى دەگەندەر) شىداعان. ولاردى ساۋساق شوشايتىپ, كٶرسەتٸپ بەرگەن دە وسى كٶپ ەدٸ. اباي شىداعان تاياققا مۇحتار دا (بۇل قالاي رەپرەسسييادان امان قالدى, تٷبٸ قۋىس-اۋ دەگەن), ونىڭ شەكٸرتٸ ەبٸش تە (ەلباسىنىڭ قولىن سٷيدٸ دەپ بٷكٸل شىعارمالارىن تەرٸسكە شىعارعان) شىداپ ٶتكەن. قالاساڭىز دا, قالاماساڭىز دا ولجاس تا (سٷلەيمەنوۆ كٶكەمدٸ ايتام), سٸز دە شىدايسىز. سٸزدەر تۇرماق, بالا جامبىلعا سەس كٶرسەتٸپ, "بۇدان ساراي اقىنىن قالىپتاستىرماقشى, ٶلەڭ جازۋىن توقتاتسىن" دەپ, جۇمساق جٷرەككە زاپىرانىن شاشىپ وتىرعان ەلەۋمەتتٸك جەلٸنٸڭ اسا بەلسەندٸ قاۋىمىنا نە ايتۋعا كەلەدٸ?!" - دەيدٸ ول.
"قورقاۋلاردان قورىقپاڭىز!"
بيتان ەسەپتەپ شىعىپتى. ەلٸمٸزدە فەيسبۋككە تٸركەلگەن قاۋىمنىڭ سانى 300 مىڭنان اسىپ جىعىلادى ەكەن.
"ال ەلگٸندەي دالاعا قاراپ ۇلىپ وتىرعانداردىڭ سانى ارى كەتسە, 5-6 مىڭ قورقاۋ. "حالىق بۇرىنعىداي قاراڭعى ەمەس" دەپ جٷرگەن حالىقتان ساداعا كەتسٸن. جە, ون مىڭ دەپ جازالىق. الايدا سٸزدٸڭ ٶنەرٸڭٸزدٸ باعالايتىن, ۇستانىمىڭىزدى قۇرمەتتەيتٸن, جٷزٸڭٸزدٸ ساعىناتىن, سٶزٸڭٸزگە ۇييتىن حالىقتىڭ سانى مىڭ-ميلليون ەكەنٸن بٸر سەتكە دە ەسٸڭٸزدەن شىعارماعايسىز" دەيدٸ ول بۇل رەتتە.
سٶزٸنٸڭ سوڭىن جۋرناليست بىلاي تٷيٸندەدٸ. ونىڭ ويىنشا, توبىر دا ەشقاشان تۋرا سٶزگە توقتاپ, ناقىلدى كەرەك ەتكەن ەمەس, ەتپەيدٸ دە.
"ولاي بولسا, بٸرلٸ جارىم ەنشٸ-سازگەر, بٸرلٸ جارىم شەنەۋنٸك, بٸرلٸ جارىم عالىم, بٸرلٸ جارىم جۋرناليست, بٸرلٸ جارىم فيلوسوف-جازۋشىنىڭ قىزعانىش پەن كٶرەالماستىقتان تۋعان ارىز-ايقايىن كٶڭٸلٸڭٸزگە الماعايسىز" دەپ قورىتىندىلاپتى ازامات بيتان.
