Aqmola garnizony Áskeri sotynyń úkimimen QR Tótenshe jaǵdailar ministrliginiń Órtke qarsy qyzmet komitetiniń tóraǵasy N. Derbisov pen Shymkent qalasy Tótenshe jaǵdailar departamentiniń bastyǵy M. Jaqsybaev 5 jylǵa, Jetisý oblysy Tótenshe jaǵdailar departamentiniń bastyǵy B. Izbasarov 9 jylǵa bas bostandyǵynan aiyryldy, dep habarlaidy Dalanews.kz
Olar biznes ókilinen kásipkerlik qyzmetine qamqorlyq jasaǵany úshin jalpy somasy 39,7 mln teńge somasynda para alǵan.
“Sondai-aq B. Izbasarov 1,7 mln teńge somasynda ózine qosymsha aqshany zańsyz eseptep bilikti asyra paidalanǵany úshin sottaldy.
Sondai-aq atalǵan adamdar memlekettik qyzmette jáne kvazimemlekettik sektor sýbektilerinde laýazymdardy atqarý quqyǵynan aiyryldy”, - delingen Antikor taratqan habarlamada.
Sot úkimi zańdy kúshine engen joq.
Konstitýtsiianyń 77-baby 3-tarmaǵynyń 1-tarmaqshasyna jáne Qylmystyq-protsestik kodekstiń 19-baby 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árbir adam kinásiz dep esepteledi.
