اقمولا گارنيزونى اسكەري سوتىنىڭ ۇكىمىمەن ق ر توتەنشە جاعدايلار مينيسترلىگىنىڭ ورتكە قارسى قىزمەت كوميتەتىنىڭ ءتوراعاسى ن. دەربيسوۆ پەن شىمكەنت قالاسى توتەنشە جاعدايلار دەپارتامەنتىنىڭ باستىعى م. جاقسىبايەۆ 5 جىلعا، جەتىسۋ وبلىسى توتەنشە جاعدايلار دەپارتامەنتىنىڭ باستىعى ب. ءىزباساروۆ 9 جىلعا باس بوستاندىعىنان ايىرىلدى، دەپ حابارلايدى Dalanews.kz
ولار بيزنەس وكىلىنەن كاسىپكەرلىك قىزمەتىنە قامقورلىق جاساعانى ءۇشىن جالپى سوماسى 39،7 ملن تەڭگە سوماسىندا پارا العان.
“سونداي-اق ب. ءىزباساروۆ 1،7 ملن تەڭگە سوماسىندا وزىنە قوسىمشا اقشانى زاڭسىز ەسەپتەپ بيلىكتى اسىرا پايدالانعانى ءۇشىن سوتتالدى.
سونداي-اق اتالعان ادامدار مەملەكەتتىك قىزمەتتە جانە كۆازيمەملەكەتتىك سەكتور سۋبەكتىلەرىندە لاۋازىمداردى اتقارۋ قۇقىعىنان ايىرىلدى”، - دەلىنگەن انتيكور تاراتقان حابارلامادا.
سوت ۇكىمى زاڭدى كۇشىنە ەنگەن جوق.
كونستيتۋسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروسەستىك كودەكستىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.
