Jaqynda shaǵyn kemelerdegi qaýipsizdik sharalary men sýǵa túsip júrgen adamdardyń ózin-ózi ustaý erejelerin saqtaý maqsatynda kezekti tekseris júrgizildi, dep habarlaıdy Dalanews.kz.
SHQO Tótenshe jaǵdaılar departamenti bastyǵynyń orynbasary Qýatbek Kenjebekuly aıtýynsha, keıbir adamdar shaǵyn keme borttarynda, katamarandarda jáne basqa da sý kólikterinde qutqarý keýdeshesin kımegen. Al keıbiri shekteý qoıylǵan mejeden asyp shomylyp júr.
- Polısıa qyzmetkerlerimen birlesip júrgizilgen tekseris kezinde 1583 tártip buzýshy ákimshilik jaýapkershilikke tartyldy. Jalpy sý paıdalaný erejelerin buzǵany úshin 46 adamǵa eskertý jasalsa, 24 adam 412-bap (sý obektilerindegi qaýipsizdik erejelerin buzý) boıynsha jaýapkershilikke tartyldy, - dep habarlady departamenttiń baspasóz qyzmeti.
Sonymen qatar alkogóldik ishimdikterdi ishken 1480 adam jazaǵa tartylǵan.
Tótenshe jaǵdaılar departamenti sýǵa túsý maýsymy bastalǵaly oblysta 4 adamnyń sýǵa ketkenin eske salady. Jazataıym oqıǵalar shomylý úshin jabdyqtalmaǵan jerlerde oryn alǵan.
