جاقىندا شاعىن كەمەلەردەگى قاۋىپسىزدىك شارالارى مەن سۋعا ءتۇسىپ جۇرگەن ادامداردىڭ ءوزىن-وزى ۇستاۋ ەرەجەلەرىن ساقتاۋ ماقساتىندا كەزەكتى تەكسەرىس جۇرگىزىلدى، دەپ حابارلايدى Dalanews.kz.
شقو توتەنشە جاعدايلار دەپارتامەنتى باستىعىنىڭ ورىنباسارى قۋاتبەك كەنجەبەك ۇلى ايتۋىنشا، كەيبىر ادامدار شاعىن كەمە بورتتارىندا، كاتامارانداردا جانە باسقا دا سۋ كولىكتەرىندە قۇتقارۋ كەۋدەشەسىن كيمەگەن. ال كەيبىرى شەكتەۋ قويىلعان مەجەدەن اسىپ شومىلىپ ءجۇر.
- پوليسيا قىزمەتكەرلەرىمەن بىرلەسىپ جۇرگىزىلگەن تەكسەرىس كەزىندە 1583 ءتارتىپ بۇزۋشى اكىمشىلىك جاۋاپكەرشىلىككە تارتىلدى. جالپى سۋ پايدالانۋ ەرەجەلەرىن بۇزعانى ءۇشىن 46 ادامعا ەسكەرتۋ جاسالسا، 24 ادام 412-باپ (سۋ وبەكتىلەرىندەگى قاۋىپسىزدىك ەرەجەلەرىن بۇزۋ) بويىنشا جاۋاپكەرشىلىككە تارتىلدى، - دەپ حابارلادى دەپارتامەنتتىڭ باسپا ءسوز قىزمەتى.
سونىمەن قاتار الكوگولدىك ىشىمدىكتەردى ىشكەن 1480 ادام جازاعا تارتىلعان.
توتەنشە جاعدايلار دەپارتامەنتى سۋعا ءتۇسۋ ماۋسىمى باستالعالى وبلىستا 4 ادامنىڭ سۋعا كەتكەنىن ەسكە سالادى. جازاتايىم وقيعالار شومىلۋ ءۇشىن جابدىقتالماعان جەرلەردە ورىن العان.
