16 shildede saǵat 15:58-de Kegen aýdany, Aqsai aýylynyń mańyndaǵy taýly aimaqta jaýyn-shashynnyń saldarynan aǵyn sýdyń qalyptasýy oryn aldy, – dep habarlaidy Dalanews.kz Almaty oblysy ákiminiń baspasóz qyzmetine silteme jasap.
Aǵyn sý kezinde 2 júk kóligi jol jiegine shyǵyp ketken.
Joldy tazalaý jumystaryna Kegen, Eńbekshiqazaq jáne Uiǵyr aýdandarynyń arnaiy tehnikalary jumyldyryldy.
Oqiǵa ornyna 17 qyzmetker jedel túrde jumyldyryldy, onyń ishinde TJD (5 adam jáne 2 birlik tehnika), PD (7 adam jáne 4 birlik tehnika), ákimdikten (3 adam jáne 2 birlik tehnika), sondai-aq Qazavtojol (2 adam jáne 2 birlik tehnika) mamandary tartyldy.
Saǵat 17:00-de jańbyr toqtap, sý deńgeii tústi. «QazAvtoJol» joldy tazartý jumystaryn júrgizýde. Avtokólik qozǵalysy shtattyq rejimde jumys jasaýda.
Oqiǵa saldarynan zardap shekkender joq.
