16 شىلدەدە ساعات 15:58-دە كەگەن اۋدانى، اقساي اۋىلىنىڭ ماڭىنداعى تاۋلى ايماقتا جاۋىن-شاشىننىڭ سالدارىنان اعىن سۋدىڭ قالىپتاسۋى ورىن الدى، – دەپ حابارلايدى Dalanews.kz الماتى وبلىسى اكىمىنىڭ باسپا ءسوز قىزمەتىنە سىلتەمە جاساپ.
اعىن سۋ كەزىندە 2 جۇك كولىگى جول جيەگىنە شىعىپ كەتكەن.
جولدى تازالاۋ جۇمىستارىنا كەگەن، ەڭبەكشىقازاق جانە ۇيعىر اۋداندارىنىڭ ارنايى تەحنيكالارى جۇمىلدىرىلدى.
وقيعا ورنىنا 17 قىزمەتكەر جەدەل تۇردە جۇمىلدىرىلدى، ونىڭ ىشىندە تجد (5 ادام جانە 2 بىرلىك تەحنيكا)، پد (7 ادام جانە 4 بىرلىك تەحنيكا)، اكىمدىكتەن (3 ادام جانە 2 بىرلىك تەحنيكا)، سونداي-اق قازاۆتوجول (2 ادام جانە 2 بىرلىك تەحنيكا) ماماندارى تارتىلدى.
ساعات 17:00-دە جاڭبىر توقتاپ، سۋ دەڭگەيى ءتۇستى. «قازاۆتوجول» جولدى تازارتۋ جۇمىستارىن جۇرگىزۋدە. اۆتوكولىك قوزعالىسى شتاتتىق رەجيمدە جۇمىس جاساۋدا.
وقيعا سالدارىنان زارداپ شەككەندەر جوق.
