Astana qalasy Tótenshe jaǵdailar departamentiniń qyzmetkerleri, politsiia, Ulttyq ulan qyzmetkerlerimen, qoǵam belsendilermen jáne eriktilermen birlesip, qala sý aidyndarynda reidter men patrýldeý jumystaryn kún saiyn júrgizedi. Bul týraly Astana qalasy TJD Azamattyq qorǵanys basqarmasy bastyǵynyń mindetin atqarýshy Renat Smaǵulov málim etti, – dep habarlaidy Dalanews.kz Astana qalasy ákiminiń baspasóz qyzmetine silteme jasap.
– Sý aidyndarynda ózin-ózi ustaý erejelerin saqtamaý, atap aitqanda, sý aidyndarynyń jabdyqtalmaǵan ýchaskelerinde shomylý, mas kúide sýǵa túsý jáne balalardy sý mańynda eresekterdiń qaraýynsyz qaldyrýdyń sońy qaiǵyly jaǵdaiǵa alyp kelýi múmkin.
Biylǵy sýǵa túsý maýsymy bastalǵaly elordalyq sý qoimalarynda 2 adam qutqaryldy, onyń bireýin tótenshe jaǵdailar qyzmetiniń qutqarýshylary patrýldeý kezinde, ekinshisin QR UU 5573 áskeri bóliminiń sarbazy qutqardy. Elordanyń sý aidyndarynda adamdardyń qaza bolýyn boldyrmaý maqsatynda aýdan ákimdikterimen birlesip, sý aidyndarynyń qaýipti jáne jabdyqtalmaǵan ýchaskelerine aqparattyq stendter jáne júzýge tyiym salynǵan eskertý belgileri ornatyldy, – dedi Renat Smaǵulov.
Kún saiyn Tótenshe jaǵdailar departamentiniń qyzmetkerleri, politsiia, Ulttyq ulan qyzmetkerlerimen, qoǵamdyq belsendilermen jáne eriktilermen birlesip, qala sý aidyndarynda reidter men patrýldeý jumystaryn júrgizedi, onda sý aidyndaryndaǵy qaýipsizdik erejeleri túsindiriledi. Azamattarǵa sýdaǵy qaýipsizdik týraly eskertýler men býkletter taratylady.
Búgingi tańda elordada shomylýǵa ruqsat etilgen 5 ýchaske sý aidyndary bar. Olar: Ortalyq jaǵajai, «Kóktal-1» týrǵyn alaby «Tri peskaria» jaǵajai aimaqtary, Kúigenjar «Armina», «Stolichnyi dvor» jáne Beisekova kóshesindegi kópir janyndaǵy kommýnaldyq jaǵajai.
– Sonymen qatar sý qoimalaryndaǵy erejelerdi buzǵany úshin QR Ákimshilik quqyqbuzýshylyqtary týraly kodeksine sáikes ákimshilik jaýapkershilik qarastyrylǵanyn atap ótkim keledi.
Osylaisha, tek sýǵa shomylý kezeńiniń basynan bastap, politsiia qyzmetkerlerimen birlesip, sý qoimalarynyń jabdyqtalmaǵan jerlerinde reidter júrgizgen kezde, tártip buzýshylarǵa qatysty jalpy somasy 629 myń 486 teńgege 46 ákimshilik hattamalar toltyryldy. Osyǵan bailanysty, Astana qalasy Tótenshe jaǵdailar departamenti qalanyń sý aidyndarynda adam óliminiń aldyn alý maqsatynda elorda turǵyndary men qonaqtaryna sý aidyndarynda qarapaiym qaýipsizdik erejelerin saqtaýdy, tek arnaiy bólingen jáne jabdyqtalǵan jerlerde shomylýdy qatań túrde usynady.
Cý aidyndaryna mas kúiinde sýǵa túsýge, qalqymalar men qorshaý belgilerinen ary júzýge, sý nysandarynyń tanys emes jerlerinde sýǵa sekirýge, sondai-aq balalardy eresekterdiń qaraýynsyz sýdyń janynda qaldyrýǵa bolmaitynyn eskertemiz, – dedi Renat Smaǵulov.
