استانا قالاسى توتەنشە جاعدايلار دەپارتامەنتىنىڭ قىزمەتكەرلەرى، پوليسيا، ۇلتتىق ۇلان قىزمەتكەرلەرىمەن، قوعام بەلسەندىلەرمەن جانە ەرىكتىلەرمەن بىرلەسىپ، قالا سۋ ايدىندارىندا رەيدتەر مەن پاترۋلدەۋ جۇمىستارىن كۇن سايىن جۇرگىزەدى. بۇل تۋرالى استانا قالاسى تجد ازاماتتىق قورعانىس باسقارماسى باستىعىنىڭ مىندەتىن اتقارۋشى رەنات سماعۇلوۆ ءمالىم ەتتى، – دەپ حابارلايدى Dalanews.kz استانا قالاسى اكىمىنىڭ باسپا ءسوز قىزمەتىنە سىلتەمە جاساپ.
– سۋ ايدىندارىندا ءوزىن-وزى ۇستاۋ ەرەجەلەرىن ساقتاماۋ، اتاپ ايتقاندا، سۋ ايدىندارىنىڭ جابدىقتالماعان ۋچاسكەلەرىندە شومىلۋ، ماس كۇيدە سۋعا ءتۇسۋ جانە بالالاردى سۋ ماڭىندا ەرەسەكتەردىڭ قاراۋىنسىز قالدىرۋدىڭ سوڭى قايعىلى جاعدايعا الىپ كەلۋى مۇمكىن.
بيىلعى سۋعا ءتۇسۋ ماۋسىمى باستالعالى ەلوردالىق سۋ قويمالارىندا 2 ادام قۇتقارىلدى، ونىڭ بىرەۋىن توتەنشە جاعدايلار قىزمەتىنىڭ قۇتقارۋشىلارى پاترۋلدەۋ كەزىندە، ەكىنشىسىن ق ر ۇۇ 5573 اسكەري ءبولىمىنىڭ ساربازى قۇتقاردى. ەلوردانىڭ سۋ ايدىندارىندا ادامداردىڭ قازا بولۋىن بولدىرماۋ ماقساتىندا اۋدان اكىمدىكتەرىمەن بىرلەسىپ، سۋ ايدىندارىنىڭ ءقاۋىپتى جانە جابدىقتالماعان ۋچاسكەلەرىنە اقپاراتتىق ستەندتەر جانە جۇزۋگە تىيىم سالىنعان ەسكەرتۋ بەلگىلەرى ورناتىلدى، – دەدى رەنات سماعۇلوۆ.
كۇن سايىن توتەنشە جاعدايلار دەپارتامەنتىنىڭ قىزمەتكەرلەرى، پوليسيا، ۇلتتىق ۇلان قىزمەتكەرلەرىمەن، قوعامدىق بەلسەندىلەرمەن جانە ەرىكتىلەرمەن بىرلەسىپ، قالا سۋ ايدىندارىندا رەيدتەر مەن پاترۋلدەۋ جۇمىستارىن جۇرگىزەدى، وندا سۋ ايدىندارىنداعى قاۋىپسىزدىك ەرەجەلەرى تۇسىندىرىلەدى. ازاماتتارعا سۋداعى قاۋىپسىزدىك تۋرالى ەسكەرتۋلەر مەن بۋكلەتتەر تاراتىلادى.
بۇگىنگى تاڭدا ەلوردادا شومىلۋعا رۇقسات ەتىلگەن 5 ۋچاسكە سۋ ايدىندارى بار. ولار: ورتالىق جاعاجاي، «كوكتال-1» تۋرعىن الابى «تري پەسكاريا» جاعاجاي ايماقتارى، كۇيگەنجار «ارمينا»، «ستوليچنىي دۆور» جانە بەيسەكوۆا كوشەسىندەگى كوپىر جانىنداعى كوممۋنالدىق جاعاجاي.
– سونىمەن قاتار سۋ قويمالارىنداعى ەرەجەلەردى بۇزعانى ءۇشىن ق ر اكىمشىلىك قۇقىقبۇزۋشىلىقتارى تۋرالى كودەكسىنە سايكەس اكىمشىلىك جاۋاپكەرشىلىك قاراستىرىلعانىن اتاپ وتكىم كەلەدى.
وسىلايشا، تەك سۋعا شومىلۋ كەزەڭىنىڭ باسىنان باستاپ، پوليسيا قىزمەتكەرلەرىمەن بىرلەسىپ، سۋ قويمالارىنىڭ جابدىقتالماعان جەرلەرىندە رەيدتەر جۇرگىزگەن كەزدە، ءتارتىپ بۇزۋشىلارعا قاتىستى جالپى سوماسى 629 مىڭ 486 تەڭگەگە 46 اكىمشىلىك حاتتامالار تولتىرىلدى. وسىعان بايلانىستى، استانا قالاسى توتەنشە جاعدايلار دەپارتامەنتى قالانىڭ سۋ ايدىندارىندا ادام ءولىمىنىڭ الدىن الۋ ماقساتىندا ەلوردا تۇرعىندارى مەن قوناقتارىنا سۋ ايدىندارىندا قاراپايىم قاۋىپسىزدىك ەرەجەلەرىن ساقتاۋدى، تەك ارنايى بولىنگەن جانە جابدىقتالعان جەرلەردە شومىلۋدى قاتاڭ تۇردە ۇسىنادى.
Cۋ ايدىندارىنا ماس كۇيىندە سۋعا تۇسۋگە، قالقىمالار مەن قورشاۋ بەلگىلەرىنەن ارى جۇزۋگە، سۋ نىساندارىنىڭ تانىس ەمەس جەرلەرىندە سۋعا سەكىرۋگە، سونداي-اق بالالاردى ەرەسەكتەردىڭ قاراۋىنسىز سۋدىڭ جانىندا قالدىرۋعا بولمايتىنىن ەسكەرتەمىز، – دەدى رەنات سماعۇلوۆ.
