Tramp aldynda jariialaǵan baj salyǵy kelisimin jańartty. Ol tarifti belgileýde ózara talqy úshin 1 tamyzǵa deiin ýaqyt bergen. Coǵan sai búgin jańartylǵan ereje mátini jariialandy. Ondaǵy tizimde Eýroodaq pen 69 memleket qatarynda Qazaqstan da júr, dep habarlaidy Dalanews.kz.
Tarifter mólsheri 10% ben 41% aralyǵyn qamtidy. Aq úidiń saitynda jariialanǵan jarlyqta tarifter "naqtylanǵan jaýapty sharalar" dep atap kórsetiledi.
Atalǵan bul sharalar jeti kúnnen keiin, iaǵni 7 tamyzda kúshine enedi. Tek Kanadan basqasyna. Al japyraqty elge bul úkimniń kúshi búginnen bastap júredi eken.
Tariftiń eń joǵary shegi - 41 %-ǵa Siriia ilingen. Laos pen Mianmanyń árqaisysyna 40 %-dan tigen. Eń tómengi shek - 10% Ulybritaniia men Folklend araldaryna tiesili.
2 sáýirde Aq úi basshysy saýda seriktesterine qarsy keń masshtabty kedendik baj tarifterin engizgeli jatqanyn jariialady. Ol kezde Qazaqstanǵa 27% mólsherlemeni bekitilgen edi.
Shilde aiynyń basynda Donald Tramp Qasym-Jomart Toqaevqa 1 tamyzdan bastap Qazaqstanǵa qarsy 25 paiyzdyq baj salyǵyn engizetinin aityp, hat joldady.
QR Saýda jáne integratsiia ministrliginiń Syrtqy saýda qyzmeti departamentiniń direktory Serik Áshitovtiń aitýynsha, AQSh engizip jatqan sharalar Amerikaǵa baǵyttalatyn qazaqstandyq eksporttyń 4,8 paiyzyna ǵana áser etedi. Onyń sózinshe, AQSh-qa baǵyttalatyn, qazaqstandyq eksporttyń shamamen 90 paiyzyn qamtityn munai, ýran, kúmis, ferroqorytpa siiaqty negizgi eksport taýarlaryna bul áser etpeidi. Biraq AQSh úshin bul shara úlken ról atqarady.
Al saiasattanýshy Janat Momynqulov bul arada másele tek tarifter qaqtyǵysynda emes, álem ekonomika baiaýlap, dástúrli túrde qalyptasqan qatynastar buzylý qaýpinde turǵanyn aitady.
"Qazir bir ýaqytta AQSh-Qytai saýda qaqtyǵysy, Ýkraina-Resei soǵysy, Taiaý Shyǵysta Izrail-Iran shielenisi, munai baǵasynyń tómendeýi, aqparattyq-tehnologiialyq soǵys júrip jatyr. Bul - álemde jańa tártip qalyptasýynyń alǵysharttary men jan-jaqty qysym", - deidi Momynqulov.
Janat Momynqulovtyń aitýynsha, munyń Qazaqstan ekonomikasynda munai salasyna jaǵymsyz áseri bolýy múmkin.
"Bul jaǵdai munai eksporttaýshy elderdiń, aitalyq Resei ekonomikasyn álsiretip, shyǵyndardy qysqartýǵa, soǵysty tejeýge májbúr etýge baǵyttalǵan. Bul Reseimen etene jaqyn elderdiń ekonomikalyq jaǵdaiyna da eleýli áser etedi. Álemdik ekonomika baiaýlasa, Qytaidyń munaiǵa muqtajdyǵy azaiady. Munaidan túsetin kiris tómendeýi úkimetterdiń qarjysyn azaitady.
Buǵan deiin saitymyzda "Baj salyǵyn" urtoqpaq etken Tramp saiasaty Qazaqstanǵa qalai áser etýi múmkin - sarapshy" degen maqala jariialanǵan bolatyn. Sondai-aq bizden "Tramptyń Reseige qarsy jariialaǵan sanktsiiasy munai saýdalaýshy elderdi dúrliktirip jiberdi" degen materialmen de tanysa alasyzdar.
