Abaı oblysynyń turǵyny áleýmettik jelilerde terorızmdi nasıhattaǵany úshin sottaldy, dep habarlaıdy Dalanews.kz.
Semeı qalasynyń qylmystyq ister jónindegi aýdanaralyq sotynda onlaın-platformalardy paıdalana otyryp terorızmdi nasıhattady dep aıyptalǵan Semeı qalasynyń turǵynyna qatysty qylmystyq is qaraldy.
Qazaqstan Respýblıkasynda «Islam memleketi» halyqaralyq terorıstik uıymynyń qyzmeti terorıstik dep tanylyp, tyıym salynǵan.
2024 jyldyń shilde aıynan 2025 jyldyń sáýir aıyna deıin aıyptalýshy «TikTok» áleýmettik jelisindegi anonımdi akkaýnttar arqyly, sondaı-aq azamattarmen jeke áńgimeler barysynda terorıstik sıpattaǵy materıaldardy taratqan. Atalǵan materıaldar zorlyq-zombylyq ıdeologıasyn qamtyp, terorıstik qyzmetti aqtaǵan.
Sot úkimimen ol Qylmystyq kodekstiń 256-babynyń 2-bóligimen (terorızmdi nasıhattaý nemese terorızm aktisin jasaýǵa jarıa túrde shaqyrý) kináli dep tanylyp, 7 jyl merzimge bas bostandyǵynan aıyryldy.
Sot úkimi zańdy kúshine endi.
Abaı oblysynyń prokýratýrasy ınternet jelisinde terorıstik jáne ekstremıstik mazmundaǵy materıaldardy taratý, repost jasaý, sondaı-aq saqtaý úshin qylmystyq jaýaptylyq kózdelgenine azamattardyń nazaryn aýdarady jáne osyndaı faktiler týraly quqyq qorǵaý organdaryna habarlaýǵa shaqyrady.
