اباي وبلىسىنىڭ تۇرعىنى الەۋمەتتىك جەلىلەردە تەرروريزمدى ناسيحاتتاعانى ءۇشىن سوتتالدى، دەپ حابارلايدى Dalanews.kz.
سەمەي قالاسىنىڭ قىلمىستىق ىستەر جونىندەگى اۋدانارالىق سوتىندا ونلاين-پلاتفورمالاردى پايدالانا وتىرىپ تەرروريزمدى ناسيحاتتادى دەپ ايىپتالعان سەمەي قالاسىنىڭ تۇرعىنىنا قاتىستى قىلمىستىق ءىس قارالدى.
قازاقستان رەسپۋبليكاسىندا «يسلام مەملەكەتى» حالىقارالىق تەرروريستىك ۇيىمىنىڭ قىزمەتى تەرروريستىك دەپ تانىلىپ، تىيىم سالىنعان.
2024 جىلدىڭ شىلدە ايىنان 2025 جىلدىڭ ءساۋىر ايىنا دەيىن ايىپتالۋشى «TikTok» الەۋمەتتىك جەلىسىندەگى ءانونيمدى اككاۋنتتار ارقىلى، سونداي-اق ازاماتتارمەن جەكە اڭگىمەلەر بارىسىندا تەرروريستىك سيپاتتاعى ماتەريالداردى تاراتقان. اتالعان ماتەريالدار زورلىق-زومبىلىق يدەولوگياسىن قامتىپ، تەرروريستىك قىزمەتتى اقتاعان.
سوت ۇكىمىمەن ول قىلمىستىق كودەكستىڭ 256-بابىنىڭ 2-بولىگىمەن (تەرروريزمدi ناسيحاتتاۋ نەمەسە تەرروريزم اكتiسiن جاساۋعا جاريا تۇردە شاقىرۋ) كىنالى دەپ تانىلىپ، 7 جىل مەرزىمگە باس بوستاندىعىنان ايىرىلدى.
سوت ۇكىمى زاڭدى كۇشىنە ەندى.
اباي وبلىسىنىڭ پروكۋراتۋراسى ينتەرنەت جەلىسىندە تەرروريستىك جانە ەكسترەميستىك مازمۇنداعى ماتەريالداردى تاراتۋ، رەپوست جاساۋ، سونداي-اق ساقتاۋ ءۇشىن قىلمىستىق جاۋاپتىلىق كوزدەلگەنىنە ازاماتتاردىڭ نازارىن اۋدارادى جانە وسىنداي فاكتىلەر تۋرالى قۇقىق قورعاۋ ورگاندارىنا حابارلاۋعا شاقىرادى.
