Terroristik aimaqtardan oralǵan azamattarǵa kómek kórsetkisi keletinderge 12 million teńgege deiin grant beriledi. Azamattyq bastamalardy qoldaý ortalyǵy memlekettik granttarǵa ótinim qabyldaýdy bastady, dep habarlaidy Dalanews.kz.
Bul qarjy terroristik belsendilik oshaqtarynan oralǵan azamattarǵa, sondai-aq qaza tapqan nemese iz-túzsiz joǵalǵan qazaqstandyqtardyń týystaryna quqyqtyq jáne áleýmettik qoldaý kórsetýge baǵyttalady.
Vedomstvo ókilderiniń aitýynsha, repatrianttar men olardyń otbasy músheleri memleket kepildik bergen áleýmettik qyzmetter men járdemaqylardy alý kezinde kóptegen qiyndyqqa tap bolýda. Ýaqytyly sheshilmegen áleýmettik jáne quqyqtyq máseleler – radikaldy ideologiiaǵa qaita boi aldyrý qaýpin arttyrady.
“Granttyń maqsaty – qujat rásimdeýge kómektesý, zańgerlik keńes berý jáne áleýmettik tólemderge qol jetkizý úshin memlekettik qyzmetterdi qalpyna keltirýge járdemdesý”, – dedi ministrliktegiler.
Grant alǵan jobalar 2025 jyldyń tamyzynan jeltoqsanyna deiin Astana, Almaty qalalarynda, Atyraý jáne Batys Qazaqstan oblystarynda júzege asady. Bir qysqa merzimdi granttyń kólemi – 11,8 million teńge.
Ótinim qabyldaý merzimi, qatysýshylarǵa qoiylatyn talaptar men qujattar tizimi týraly tolyq aqparat memlekettik granttardyń Biryńǵai operatorynyń resmi resýrstarynda jariialanǵan.
