Atyraý oblysyndaǵy Teńiz jáne Korolev ken oryndarynda munai óndirý ýaqytsha toqtatyldy, dep habarlaidy Dalanews.kz.
Bul aqparatty "Teńizshevroil" kompaniiasy rastady.
Kompaniia málimetinshe, sheshim óndiristik nysandardaǵy elektr energiiasyn taratý júieleriniń bir bóligine áser etken jaǵdaiǵa bailanysty qabyldanǵan.
"Zardap shekkender joq, al qyzmetkerlerdiń qaýipsizdigi kompaniia úshin eń joǵary basymdyq bolyp qala beredi. Kompaniianyń tehnikalyq qyzmetteri oqiǵanyń bastapqy sebebin anyqtaý baǵytynda belsendi jumys júrgizip jatyr. Negizgi maqsat - týyndaǵan jaǵdaidy qaýipsiz túrde joiý", - dedi kompaniia ókilderi.
Sondai-aq, kompaniia memlekettik organdarmen tyǵyz bailanysta jumys istep jatqanyn, bolǵan jaǵdaidyń saldaryn barynsha azaitýǵa kúsh salynatynyn atap ótti.
Kompaniia ókilderiniń aitýynsha, Teńiz ken orny men barlyq óndiris nysany qaýipsiz kúide jáne senimdi qorǵaýda.
Aita keteiik, 18 qańtarda tańerteń Atyraý oblysy Jylyoi aýdanyndaǵy Teńiz ken ornynda ornalasqan úshinshi býyn zaýytynda órt shyqqan bolatyn.
