KASE-de teńge baǵamy taǵy quldyrady. 2 qarashada elordalyq keibir aqsha aiyrbas oryndarynda 1 AQSh dollary 526 teńgeden, Almatyda 523 teńgeden satyla bastady. Munyń sebebin Dalanews.kz bilip-kórýge tyrysty.
Qazaqstan qarjygerler qaýymdastyǵynyń sarapshylary teńgeniń qaita álsireýine Ulttyq banktiń interventsiia júrgizýdi doǵarǵany jaily málimdemesi túrtki bolýy múmkin ekenin aitady.
"Sońǵy eki aptada 500+ deńgeiin saqtaý úshin qor birjasynda 1 mlrd dollar satqan Ulttyq bank valiýtalyq interventsiia júrgizýdi doǵaratyndaryn jáne jaqyn kúnderge mundai sharanyń josparlanyp otyrmaǵanyn málimdegen bolatyn. Bul jolǵy ósimge sonyń qatysy bar sekildi. Jalpy, valiýta naryǵynda teńgerimsizdiktiń týyndaǵanyna kóp bolǵan, al aqsha baǵamyna qatysty jańa qubylys sonyń aiǵaǵy bola alady", - deidi Qazaqstan qarjygerleri qaýymdastyǵy.
Búgin , 2 jeltoqsanda Ulttyq bank qarasha aiynyń qorytyndysyn jariialady. Mine, sonyń barysynda ózderiniń jeltoqsan aiynda da bul sharany júzege asyratyndaryn ashyp aityp, qarashany sabyrǵa shaqyrǵandai boldy:
"Úkimettiń aldyn ala boljamdy ótinimderi boiynsha respýblikalyq biýdjetke transfert bólýge 2024 jylǵy jeltoqsanda Ulttyq Bank Ulttyq qordan 800 mln-nan 900 mln AQSh dollaryna deiingi mólsherde valiýta satylady dep kútedi".
Degenmen Ulttyq bank bul rette tek osy bir ǵana josparyn aitady. Al bul aldyńǵy aidaǵy valiýtalyq interventsiiaǵa jumsalǵan kólemnen áldeqaida az. Onyń ústine Ulttyq bank qarashadaǵydai jeltoqsan aiynda BJZQ úshin valiýta satyp alý josparlanbaǵanyn atap kórsetedi. Sol sekildi qarashada "Qazatomónerkásip" AQ-nyń aktsiialaryn satyp alý boiynsha mámileni shyǵarý aiasynda valiýta satý aiaqtaldy. Osy jaǵynan alǵanda, Ulttyq bank qor birjasyndaǵy shetel valiýtasy saýda-sattyǵyna jeltoqsanda aralasqanymen, qarasha aiyndaǵydai qarqynda áreket almaidy. Bul da aldaǵy teńge baǵamyna qatysty biraz nárseni ańǵarta alsa kerek...
Aita ketsek, búgin - 2 jeltoqsanda Ulttyq bank qarasha aiynynyń qorytyndysyn jariialap, teńge baǵamy 5%-ǵa álsirep, 1 AQSh dollary 512,52 teńgege deiin barǵanyn jetkizdi. Ulttyq banktiń málimetinshe, qysqamerzimdi perspektivada teńgeniń dinamikasy naryqqa qatysýshylardyń kútýlerine, toqsandyq salyq tólemderine, álemdik naryqtardaǵy ahýalǵa jáne geosaiasi jaǵdaidyń ózgerýine bailanysty bolady.
