Búgin KASE-de ulttyq valiýta qunsyzdanyp, AQSh dollary kúsh alýda. Keshegi birjadaǵy saýda-sattyq qorytyndysy boiynsha Ulttyq Banktiń bekitken teńgege shaqqandaǵy 1 AQSh dollarynyń baǵamy 504,34 teńge bolsa, al búgingi birjadaǵy baǵa 517 teńgeni mańailap tur. Aqsha aiyrbas oryndary bolsa, 1 dollar 520-522 teńgeden saýdalanýda. Osylaisha bir kúnde 13 teńge qosyp alǵan AQSh dollary alda da qymbattai bermek pe? Kópti alańdatqan saýaldy Dalanews.kz sarapshylarǵa qoiyp kórdi.
Munai salasynyń mamany Oljas Baidildinov "qara altyn" baǵasy fiýchersterge belgilenetinin, sondyqtan búgin jańalyqtardan kórip otyrǵan baǵa bir aidan keiingi tasymaldanatyn munaidyń quny ekenin naqtylaidy. Mysaly, búgin munaidyń bir barreli 60 dollar ainalasynda desek, bul 2025 jyldyń mamyr aiynda qoldanylatyn baǵa bolady.
"Biýdjetti eseptegende, árine bul aradaǵy ýaqyt mańyzdy. Qazirgi baǵa, máselen 1-2 aidan keiin, iaǵni maýsym-shildede kúshine enedi. Sodan da bizde tamyz aiynda valiýta baǵamynda qatty ózgerister bolyp jatatyny. Al bizdiń biýdjet munaidyń bir barreli 75 dollar, al 1 AQSh dollarynyń baǵamy 470 teńge bolady dep eseptelgen. Osy jaǵynan alǵanda, eger qazirgi baǵam – 65 dollar uzaq ýaqyt boiyna saqtalsa (3-6 ai aralyǵynda), onda munai baǵasyna súiene otyryp, 1 AQSh dollary kúzge qarai 542,3 teńge bolady dep shamalap esepteýge bolady", - deidi Oljas Baidildinov.
Ekonomist Rasýl Rysmambetov:
"Muny klassikalyq terbelis dep aitsaq ta bolady. Máselen, ótken jyly qarashada ulttyq valiýta quny tómendep, qatty qunsyzdandy, odan soń jańa jylǵa qarai azdap nyǵaidy, 2025 jyly aqpanda, kerisinshe kúsheidi, endi qaita qunsyzdanyp jatyr. Álbette, aqsha baǵamyna qazirgi jaǵdaida 185-ten astam elge qosymsha baj salyǵyn engizgen Tramptyń saýda soǵysynyń salqyny tiip otyr. Naqtyraq aitqanda, sonyń kesirinen munai arzandaýda. Halyqaralyq sarapshylar ekonomikalyq belsendilik tómendeidi degendi aityp jatyr, al ondaida munaiǵa degen suranys tómendeidi, sáikesinshe baǵasy da túsedi. Bul - zańdy jait. Degenmen qazirgi kórsetkish naqty boljam jasaýǵa negiz bola almaidy. Áli de eki aptanyń kórsetkishterine kóz júgirtýimiz kerek bolady. Máselen, endi OPEK+ baǵany turaqtandyrý úshin munai óndirýshilerge qysym jasai bastaýy kerek. Odan keiin ne bolady degendei...".
Qarjyger-maman Andrei Chebotarev:
"Tańerteńnen bastap taǵy da teńgeden bereke ketti. Bulai quldyraýǵa, árine AQSh prezidentiniń jańadan engizgen tarifteri, soǵan sáikes, jappai naryqtaǵy quldyraýlar jáne eń bastysy — munai baǵasynyń tómendeýi túrtki. Qazir barlyq naryqtar boiynsha dúdamal jait týyndaýda, sondyqtan AQSh dollaryna qatysty uzaqmerzimdi boljam jasaý qiyndaý".
Buǵan deiin saitymyzda "Qor birjalarynda quldyraý búgin de jalǵasýda. Munai baǵasy qanshaǵa tómendeidi - Qazaqstan qarjygerleri qaýymdastyǵy" degen maqala jariialanǵan bolatyn.
