بٷگٸن KASE-دە ۇلتتىق ۆاليۋتا قۇنسىزدانىپ, اقش دوللارى كٷش الۋدا. كەشەگٸ بيرجاداعى ساۋدا-ساتتىق قورىتىندىسى بويىنشا ۇلتتىق بانكتٸڭ بەكٸتكەن تەڭگەگە شاققانداعى 1 اقش دوللارىنىڭ باعامى 504,34 تەڭگە بولسا, ال بٷگٸنگٸ بيرجاداعى باعا 517 تەڭگەنٸ ماڭايلاپ تۇر. اقشا ايىرباس ورىندارى بولسا, 1 دوللار 520-522 تەڭگەدەن ساۋدالانۋدا. وسىلايشا بٸر كٷندە 13 تەڭگە قوسىپ العان اقش دوللارى الدا دا قىمباتتاي بەرمەك پە? كٶپتٸ الاڭداتقان ساۋالدى Dalanews.kz ساراپشىلارعا قويىپ كٶردٸ.
مۇناي سالاسىنىڭ مامانى ولجاس بايدٸلدينوۆ "قارا التىن" باعاسى فيۋچەرستەرگە بەلگٸلەنەتٸنٸن, سوندىقتان بٷگٸن جاڭالىقتاردان كٶرٸپ وتىرعان باعا بٸر ايدان كەيٸنگٸ تاسىمالداناتىن مۇنايدىڭ قۇنى ەكەنٸن ناقتىلايدى. مىسالى, بٷگٸن مۇنايدىڭ بٸر باررەلٸ 60 دوللار اينالاسىندا دەسەك, بۇل 2025 جىلدىڭ مامىر ايىندا قولدانىلاتىن باعا بولادى.
"بيۋدجەتتٸ ەسەپتەگەندە, ەرينە بۇل اراداعى ۋاقىت ماڭىزدى. قازٸرگٸ باعا, مەسەلەن 1-2 ايدان كەيٸن, ياعني ماۋسىم-شٸلدەدە كٷشٸنە ەنەدٸ. سودان دا بٸزدە تامىز ايىندا ۆاليۋتا باعامىندا قاتتى ٶزگەرٸستەر بولىپ جاتاتىنى. ال بٸزدٸڭ بيۋدجەت مۇنايدىڭ بٸر باررەلٸ 75 دوللار, ال 1 اقش دوللارىنىڭ باعامى 470 تەڭگە بولادى دەپ ەسەپتەلگەن. وسى جاعىنان العاندا, ەگەر قازٸرگٸ باعام – 65 دوللار ۇزاق ۋاقىت بويىنا ساقتالسا (3-6 اي ارالىعىندا), وندا مۇناي باعاسىنا سٷيەنە وتىرىپ, 1 اقش دوللارى كٷزگە قاراي 542,3 تەڭگە بولادى دەپ شامالاپ ەسەپتەۋگە بولادى", - دەيدٸ ولجاس بايدٸلدينوۆ.
ەكونوميست راسۋل رىسمامبەتوۆ:
"مۇنى كلاسسيكالىق تەربەلٸس دەپ ايتساق تا بولادى. مەسەلەن, ٶتكەن جىلى قاراشادا ۇلتتىق ۆاليۋتا قۇنى تٶمەندەپ, قاتتى قۇنسىزداندى, ودان سوڭ جاڭا جىلعا قاراي ازداپ نىعايدى, 2025 جىلى اقپاندا, كەرٸسٸنشە كٷشەيدٸ, ەندٸ قايتا قۇنسىزدانىپ جاتىر. ەلبەتتە, اقشا باعامىنا قازٸرگٸ جاعدايدا 185-تەن استام ەلگە قوسىمشا باج سالىعىن ەنگٸزگەن ترامپتىڭ ساۋدا سوعىسىنىڭ سالقىنى تيٸپ وتىر. ناقتىراق ايتقاندا, سونىڭ كەسٸرٸنەن مۇناي ارزانداۋدا. حالىقارالىق ساراپشىلار ەكونوميكالىق بەلسەندٸلٸك تٶمەندەيدٸ دەگەندٸ ايتىپ جاتىر, ال وندايدا مۇنايعا دەگەن سۇرانىس تٶمەندەيدٸ, سەيكەسٸنشە باعاسى دا تٷسەدٸ. بۇل - زاڭدى جايت. دەگەنمەن قازٸرگٸ كٶرسەتكٸش ناقتى بولجام جاساۋعا نەگٸز بولا المايدى. ەلٸ دە ەكٸ اپتانىڭ كٶرسەتكٸشتەرٸنە كٶز جٷگٸرتۋٸمٸز كەرەك بولادى. مەسەلەن, ەندٸ وپەك+ باعانى تۇراقتاندىرۋ ٷشٸن مۇناي ٶندٸرۋشٸلەرگە قىسىم جاساي باستاۋى كەرەك. ودان كەيٸن نە بولادى دەگەندەي...".
قارجىگەر-مامان اندرەي چەبوتارەۆ:
"تاڭەرتەڭنەن باستاپ تاعى دا تەڭگەدەن بەرەكە كەتتٸ. بۇلاي قۇلدىراۋعا, ەرينە اقش پرەزيدەنتٸنٸڭ جاڭادان ەنگٸزگەن تاريفتەرٸ, سوعان سەيكەس, جاپپاي نارىقتاعى قۇلدىراۋلار جەنە ەڭ باستىسى — مۇناي باعاسىنىڭ تٶمەندەۋٸ تٷرتكٸ. قازٸر بارلىق نارىقتار بويىنشا دٷدامال جايت تۋىنداۋدا, سوندىقتان اقش دوللارىنا قاتىستى ۇزاقمەرزٸمدٸ بولجام جاساۋ قيىنداۋ".
بۇعان دەيٸن سايتىمىزدا "قور بيرجالارىندا قۇلدىراۋ بٷگٸن دە جالعاسۋدا. مۇناي باعاسى قانشاعا تٶمەندەيدٸ - قازاقستان قارجىگەرلەرٸ قاۋىمداستىعى" دەگەن ماقالا جارييالانعان بولاتىن.
