Qazirgi tańda jekelegen kompaniialardyń jetekshileri biznesti basqarýdy jetik meńgermegen. Zaman talabyna sai biznesti basqarýdaǵy zamanaýi trendterdi bilmeidi. Sondyqtan ózderin kásipker sanaityn basshylar tamyr-tanystyqqa, memlekettik qoldaýyna arqa súieitini jasyryn emes.
Qazirgi tańda bildei basshy turmaq, qarapaiym qyzmetkerdiń ózi biliktiligin kótermese, kereksiz maman bolyp qalýy múmkin. Sondyqtan elimizdegi kompaniialardyń basshylaryn Eýropanyń jetekshi joǵary oqý oryndaryndaǵy MVA baǵdarlamasy boiynsha biliktiligin jetildirýdiń mańyzy kún sanap artyp keledi.
Atalǵan baǵdarlama boiynsha biliktiligin shyńdaýǵa kúsh salǵan maman birinshi kezekte qandaida bir biznes qurylymda jaýapty qyzmetti atqarýy tiis. MVA baǵdarlamasy – zamanaýi bilim men ozyq is-tájiribeni úilestirgen birden-bir júie.
Innovatsiialyq damýǵa bet burǵan batystyń kompaniialary basshylyq qurylymda jumys isteitin qyzmetkerleriniń bul baǵdarlamasy boiynsha biliktiligin kóterip, kásiporyndarynyń jumysyn damytýǵa kúsh salyp jatyr.
Álemde qarjy daǵdarysy sharpyǵaly beri elimizge syrttan keletin investitsiianyń kólemi kúrt tómendegeni jasyryn emes. Iá, investitsiianyń tómendeýine birinshi kezekte ǵalamdyq qarjy daǵdarysy áser etkenin moiyndaimyz. Biraq bul jalǵyz faktor emes. Qazirgi tańda elimizdegi iri kompaniialar ekonomikalyq integratsiiaǵa beiim emes. Kompaniia basshylarynyń syrt elden investitsiia tartatyndai biliktiligi joq. Eger elimizdegi kompaniia basshylary halyqaralyq deńgeide áreket etetin deńgeide bilikti bolsa, esh qiyndyqsyz syrt elderden investitsiia tartar edi.
MVA kýrsyn támamdaǵan basshy birinshi kezekte, biznesti basqarýdyń zamanaýi trendterin úirenedi. Olar biznesti basqarýdyń marketingi, táýekeli, halyqaralyq saýda jáne korporativtik strategiia qurýǵa mashyqtanady. MVA baǵdarlamasynyń basty qundylyǵy – dúniejúziniń ár tarapynan jinalǵan biznesti damytýǵa múddeles jandar ózderiniń is-tájiribelerin ortaǵa salyp, tyǵyryqtan shyǵýdyń tiimdi jolyn birlesip izdeýge yqpal etetininde.
Osylaisha az ǵana ýaqyttyń ishinde kompaniia úmit artqan menedjerler investitsiia tartýdyń, qarapaiym qyzmetkerlermen jumys isteýdiń ozyq úlgisin, biznestiń áleýmettik jaýapkershiligi jaiynda jan-jaqty bilim alyp, kompaniia jumysyn oń baǵytta uiymdastyrýǵa múmkindik alatyn bolady.
Qazir Qazaqstan álemdik qaýymdastyqtyń belsendi qatysýshysy, Eýraziialyq odaqtyń tolyqqandy múshesine ainalyp otyr. Mundai jaǵdaida qazaqstandyq kompaniialar ózge elderdiń biznes qurylymdarymen básekelestik jaǵdaida jumys istep, Qazaqstan ekonomikasyn damytýy kerek. Bul úshin kompaniianyń jetekshi menedjerleri biznesti basqarýdyń zamanaýi jetistikterin tolyqtai meńgerýi shart.
Sondyqtan el Úkimeti «Samuryq-Qazyna» ál-aýqat qoryna qaraityn ulttyq kompaniia menedjerleriniń MVA baǵdarlamasy boiynsha biliktiligin shyńdaýǵa basa mán berýi kerek. Budan basqa MBA baǵdarlamasynyń mańyzdylyǵyn «Atameken» ulttyq kásipkerler palatasy da elimizdegi kásipkerler arasynda keńinen nasihattaýy qajet.
Elimizde biznesti basqarýdyń zamanaýi trendterin meńgergen basshylar kóbeigen jaǵdaida otandyq kompaniialar memlekettik satyp alýlarǵa qarap, aýyz ashyp otyrmaidy. Olar ózge elderdegi áriptesterimen bailanys ornatyp, investitsiia tartyp, kompaniia jumysyn jandandyrýǵa yqpal etetini sózsiz.
Eger Qazaqstannyń transulttyq kompaniialaryn qalyptastyrǵymyz kelse, kez kelgen kompaniianyń basshylyqtaǵy menedjerleriniń biliktiligin shyńdaýǵa kúsh salýymyz kerek.
Jarbol KENTULY
