Temirtaý qalasynda jolaýshylar avtobýsy apatqa ushyrady. Oqiǵa saldarynan birneshe adam aýrýhanaǵa jetkizildi. Oqiǵa ornynda túsirilgen kadrlar jelide tarap ketti, dep habarlaidy Dalanews.kz.
Avtobýs bordiýrge shyǵyp ketip, keiin baǵdarshamnyń metall tiregine soǵylǵan. Negizgi soqqy kóliktiń aldyńǵy bóligine kelgen.
Politsiianyń málimetinshe, jol apaty tańǵy qarbalas ýaqytta, shamamen saǵat 08:40-ta, Abai, Metallýrgter jáne Respýblika dańǵyldarynyń qiylysynda bolǵan. Aldyn ala derek boiynsha 45 jastaǵy júrgizýshi kólikti basqara almai qalǵan.
Qaraǵandy oblystyq Politsiia departamenti avtobýsta shamamen 20 jolaýshy bolǵanyn habarlady. Tórt adam jaraqat alyp, aýrýhanaǵa jatqyzylǵan.
Bul derek tirkelip, qazir oqiǵanyń mán-jaiy anyqtalyp jatyr.
