Автобус бордюрге шығып кетіп, кейін бағдаршамның металл тірегіне соғылған. Негізгі соққы көліктің алдыңғы бөлігіне келген.

Полицияның мәліметінше, жол апаты таңғы қарбалас уақытта, шамамен сағат 08:40-та, Абай, Металлургтер және Республика даңғылдарының қиылысында болған. Алдын ала дерек бойынша 45 жастағы жүргізуші көлікті басқара алмай қалған.

Қарағанды облыстық Полиция департаменті автобуста шамамен 20 жолаушы болғанын хабарлады. Төрт адам жарақат алып, ауруханаға жатқызылған.

Бұл дерек тіркеліп, қазір оқиғаның мән-жайы анықталып жатыр.