Búginde kompaniia úshin mańyzdy jobalardyń biri – Bógenbai batyr men Nazarbaev dańǵylynyń qiylysynda ornalasqan «Almaly» metro stantsiiasy mańyndaǵy bosaǵan alańda eki jańa qurylys nysanyn salýdyń mańyzy zor bolyp tur.
– Men árqashan bizdiń úidiń turǵyndary arasynda belsendilik tanytamyn. Úiimizdiń ainalasynda ne bolyp jatqany men úshin asa mańyzdy. Óitkeni men munda qyryq jyldan beri turyp kelemin, – deidi Nazarbaev dańǵylynyń boiyndaǵy №112 úidiń turǵyny Gennadii Gýsynin. – Biz turyp jatqan úi uzaq jyldardan beri jóndeý jumystaryn qajetsinip kelgen edi. Ásirese káriz júiesi, jertóleler men kireberisterdiń jaǵdaiy tym nashar-tuǵyn. «Temir Prom XXI» ókilderi 2020 jyldyń naýryz aiynda bizben kezdesýinde bolashaq qurylys jumystary kezinde oryn alatyn qolaisyzdyqtar úshin bizge qandai kómek kórsete alatyndaryn surady. Sol kezde bizder úiimizge biraz jóndeý jumystary kerek ekenin aittyq. Kompaniia basshylyǵy sózge kelmesten bizge kómek kórsetýge kelisti. Búginde «Temir Prom XXI» seriktestiginiń ókilderi sózderinde turyp, úidiń káriz júiesin, kireberisin jáne jertóleni jóndep, eskirgen elektr júiesi tolyǵymen aýystyryp berdi. Eger osy jumystardy ózimiz atqarsaq, birinshe million teńge jumsaityn edik. Budan basqa úimizge jańa kireberister ornatyp, aýlany kógaldandyrdy, – dep Gennadii Gýsynin rizashylyǵyn bildirdi.
Kompaniia ókiliniń pikirinshe, ortalyq aýdandardyń turǵyndary óz úileriniń jailylyǵy men estetikasyn baǵalai biletin, Almaty turǵyndary zamanaýi biznes-úrdisterdi osylaisha túsinýi mańyzdy.
– Bizdiń kompaniia qurylys nysandarynyń ainalasyn abattandyrýǵa airyqsha kóńil bóledi. Ainalamyzdaǵy aýlalardy abattandyryp, turǵyndardyń kópjyldyq máselelerin sheshkende jumysymyzdyń nátijesin kórip qaýanyp qalamyz. Jergilikti turǵyndar qarapaiym áleýmettik artyqshylyqtarǵa – taza kireberisterge, qurǵaq jertólelerge laiyq. Kóptegen ǵimarattar ondaǵan jyldar boiy ózgerý múmkindigin kútýde – bul qasbetterdi jóndeýge jáne injenerlik jelilerdiń jaǵdaiyna qatysty. Al jergilikti bilik organdary aýqymdy jumystarǵa árdaiym qarajat taba bermeidi. Mundai jaǵdaida kómekke biz kelemiz, – dep túsindirdi SABA GROUP KZ prezidenti Erjan Ábdiqadyrov.
SABA GROUP KZ Almatyda «Prestij», «Tsentralnyi», «Komfort» sekildi turǵyn úi keshenderimen jáne basqa da jobalarmen tanymal.
Ymyraǵa kelý qabileti, qyzmetterdiń joǵary sapasy men qolaily baǵalar – qurylys salýshynyń basty qasietteri. Bul qasitetter arqyly qurylys salýshy el azamattaryna áli de ádemi ǵimarattar men jasyl aýlalardy syilaidy.
